اختراق العقل البشرى
فيه ناس بتستخدم الموبايل وفيه ناس بتفتحه علشان تعرف جواه ايه ، سنة 98 دخلت الانترنت لأول مرة في حياتي برقم 09080908 لو فاكر الرقم ده ، وسمعت صوت تكتكة المودم ، وكان صوته حلو اوي ودايما بيحفزني ، وجاتلي الشاشة السودا بتاعة الاتصال في ويندوز 95 وانا لابس نضارتي الي كانت اكبر من وشي ساعتها ، ومبرق للشاشة ومستعد ببراءة ولد عنده 11 سنة انه يدخل على الانترنت ، اول موقع افتحه كان الياهو وساعتها فتح في ربع ساعة تقريبا ، لافيت فيه شوية واقنعت نفسي ان ده اقصى حاجة وصلها النت ... لان اكتر حاجة بتبسط الواحد بجد هو انه يعرف حاجة كانت غريبة عنه ويتميز فيها ... كنت مبسوط اوي اني فتحته وبدأت ادور على مواقع الشات وكان اول موقع عرفته كان نيونتين الي كان اسمه ساعتها "تشات هير" ... ولإن الواحد بيحب يثبت نفسه في الي بيعمله حتى لو كان مش مقتنع بيه لسة ... بدات اتكلم واتعرفت على سارة التونسية وتانيا الامريكية و شاونا البريطانية ومفيش مصرية واحدة رضيت تعبرني ! كنا ساعتها اطفال كلنا ، وكانت البنت الي عندها 14 سنة لما تعرف اني عندي 11 كانت مبتكلمنيش وده لان عمليا مش هينفع نتجوز ، والبنت الي عندها 19 سنة ، كانت كبييييييييرة اوي بالنسبة لي !
مقدمة طويلة شوية انا عارف ، بس النهاردة انا هكلمك عن انسب طريقة لاختراق العقل البشري ، تخيل معايا ان العقل هو عبارة عن مجموعة برامج كمبيوتر وبتتصنع بأكواد ، فلو قدرت انك تتعرف على الكود هتقدر تعمل البرامج الخاصة بيك انت . ولو عرفت مشاكله هتقدر تستخدمها لصالحك .
الطبيعي انك لو شغال على الكمبيوتر العادي وفتحت كذا برنامج في نفس الوقت هتلاقي الكمبيوتر بيهنج او بيتقل ، وده حصل لان الراما بتاعة الجهاز حصل عليها ضغط اكبر من مساحتها فمقدرتش تستحمل فالجهاز عمل ريستارت ، بالظبط العقل بيشتغل بنفس الطريقة .
العقل الواعي بيستقبل من 5 ل 9 معلومات في نفس الوقت ، ده معناه انه يقدر يحفظ رقم من 9 ارقام ، بس لو اديتله 10 هيبدأ يهنج ، ويهنج ديه يعني كمصطلح في التنويم الضمني بنسميها عملية " الارباك " وفيها العقل الواعي بيقف عن العمل وبيبدأ اللاواعي ياخد مكان ويشتغل بداله ، ساعتها اللاواعي بياخد تعليمات وبينفذها لكن ملوش علاقة بالتحليل والمنطقة والعمليات الي بيقوم بيها العقل الوعي .
في المقدمة الي كتبتهالك ، احتمال تكون شايف ان ملهاش لازمة ، بس لما تبصلها تاني من منظور الارباك ، هتكتشف اني بدأت احملك بكذا معلومة ، بالنسبة لك معلومات تافهة بس خليني اقولك سر ، انت قريت وده معناه انك ممكن تكون خدت بالك او مخدتش بالك من الاقتراحات الي زرعتهالك في خلال المقدمة الي كتبتها ، زي " الواحد بيحب يثبت نفسه في الي بيعمله حتى لو كان مش مقتنع بيه لسة" او " اكتر حاجة بتبسط الواحد بجد هو انه يعرف حاجة كانت غريبة عنه ويتميز فيها" لو مخدش بالك فده معناه ان المعلومات ديه بتلاقي طريقها جوا دماغك دلوقتي ولو كنت خدت بالك اراهنك انك معترضتش عليها وكانها جملة عادية بتقراها بس خد بالك اني ميزتها بتلات نقط قبل وبعد كل جملة .
الميند لوب - او الدايرة العقلية - هيا عبارة عن فكرة ، ليها بداية ونهاية علشان العقل يفهمها ، السر هنا ان لو انا فتحت دايرة ومقفلتهاش او بدأت في فكرة ومقفلتهاش وبدات ادخل في فكرة تانية ومقفلهاش وتالتة ومقفلهاش وهكذا ، هيحصلك ارباك ، لاني هحملك بمعلومات كتير اوي انت بتسمعني فمضطر انك تحلل كلامي وعلى رأي المثل "متركزش علشان متهيسش" حرفيا ده الي بيحصل لما نسمع فيلسوف بيتكلم او بعض رجال السياسة او رجال الدين وهما بيتكلموا او حتى شخص عادي بس بيرغي كتير، فيه ناس عندها قدرة انها تاخدك في رحلة بكلامها من فكرة للتانية للتالتة وترجعك تاني للافكار ديه وهيا بتتكلم فتكتشف ان كلامها مقنع جدا بس المشكلة انك مكنتش فاهم حاجة .
وده بيحصل من خلال القصص ، هقربهالك اكتر ، لو انا قولتلك قصة وعند ذروة الاحداث بدات ادخل في قصة تانية وعند الذروة دخلت في التالتة وهكذا مثلا :
انا روحت قابلت محمد بصيت لاقيت رجله مكسورة وبيعيط .. افتكرت ساعتها الواد ابراهيم لما جيه المدرسة في مرة وخطف مني القلم وهو بيجري واحد صاحبنا زقه من على سور المدرسة وكان هيقع بجد في اللحظة ديه جالي تليفون من واحد قريبي وقالي انت فين قولتله انا في المدرسة قالي طب تعالى بسرعة ... وبص يمين وشمال وانت بتعدي الشارع ... علشان فيه واحد قريبنا مات ، فقومت عديت على محمد كان علي قفشه قبل مايقع من فوق السور وروحت لاقيت قريبنا مات لانه حصلتله حادثة ورجله اتكسرت زي الكسر الي حصل لمحمد بالظبط بس الحمد لله ربنا ستر على محمد
عندنا في المثال ده تلات قصص : محمد الي رجله اتكسرت ، ابراهيم الي خطف القلم وقريبنا الي مات ، وعندنا اقتراح مضمن "بص يمين وشمال وانت بتعدي الشارع" ، انا بدات افتح لوب او دايرة فكرية ومقفلهاش ، فتحت التانية والتالتة وقبل ماقفل التالتة اديتك اقتراح مباشر في خلال كلام عادي بس انت مفكرتش فيه بالوعي بتاعك فدخل للعقل اللاواعي بشكل مباشر وبدات اقفل القصص بتاعتي من الاخر للاول .
تأثير ده الحقيقي ان الشخص الي بتكلمه هيبدأ ينفذ الاقتراح حتى من غير ماياخد باله من انك قولتهوله في كلام عابر . وده لو فكرت كويس هتكتشف ان اغلب كلامنا هو كلام وتجارب ناس تانية كانوا بس بيحكولنا قصص والاقتراحات الاقوى هي الي بتيجي في وسط دواير عقلية مش مقفولة .
في كورس فن الاقناع والتأثير النفسي بالتنويم الضمني ، نتعرف اكتر على فكرة استخدام الارباك والترانس في توصيل الاقتراحات المباشرة علشان تكتشف بعد كده ان الشخص الي بتكلمه بينفذ حرفيا كلامك من غير مايفكر انك انت الي وجهته من البداية وده استخداماته كتيرة في عمليات الاقناع والتاثير ، من الحاجات الجديدة التانية في كورس التنويم تقنية اسمها الادراك اللاواعي ، وديه تقنية بدات اطبقها في اغلب المحاضرات الي بعملها للتنوم وخلت ناس كتير اوي تهتم بالتنويم اكتر ، وفكرتها انك بتتعلم ازاي تقدر تزرع فكرة في عقل الشخص الي بتكلمه وبتقوله كلام عادي جدا بعيد تماما عن الفكرة الي انت عايز تقنعه بيها ، واسمها PWA او ال Perception without awareness ... واساليب عقلية تانية بتشوف فيها حرفيا استخدام التنويم الضمني في الفعل وده الي بيخليها دورة مميزة انك مش بس بتجرب ده على نفسك انت بتشوف تأثيره على الي حواليك بعنيك وبتبدأ تحكيلي تجاربك.
تخيل ابعاد تانية لاستخدام تقنيات اختراق العقل البشري وزرع الافكار وده ممكن يوصلك لإيه ، نتايج ملهاش حدود ، بس لو عايز تتعرف اكتر وتحجز مكانك في اقرب دورة تنويم ضمني معتمدة ابعت ميل باسمك وايميلك ورقم تليفونك على info@nihadragab.com وهنبعتلك في اقرب فرصة .
نهاد رجب
اول مدرب عربي في فن الاقناع والتأثير بالتنويم الضمني
مؤسس الشبكة العربية للتنمية البشرية
http://www.nihadragab.com/
Http://www.arabhd.com
فيه ناس بتستخدم الموبايل وفيه ناس بتفتحه علشان تعرف جواه ايه ، سنة 98 دخلت الانترنت لأول مرة في حياتي برقم 09080908 لو فاكر الرقم ده ، وسمعت صوت تكتكة المودم ، وكان صوته حلو اوي ودايما بيحفزني ، وجاتلي الشاشة السودا بتاعة الاتصال في ويندوز 95 وانا لابس نضارتي الي كانت اكبر من وشي ساعتها ، ومبرق للشاشة ومستعد ببراءة ولد عنده 11 سنة انه يدخل على الانترنت ، اول موقع افتحه كان الياهو وساعتها فتح في ربع ساعة تقريبا ، لافيت فيه شوية واقنعت نفسي ان ده اقصى حاجة وصلها النت ... لان اكتر حاجة بتبسط الواحد بجد هو انه يعرف حاجة كانت غريبة عنه ويتميز فيها ... كنت مبسوط اوي اني فتحته وبدأت ادور على مواقع الشات وكان اول موقع عرفته كان نيونتين الي كان اسمه ساعتها "تشات هير" ... ولإن الواحد بيحب يثبت نفسه في الي بيعمله حتى لو كان مش مقتنع بيه لسة ... بدات اتكلم واتعرفت على سارة التونسية وتانيا الامريكية و شاونا البريطانية ومفيش مصرية واحدة رضيت تعبرني ! كنا ساعتها اطفال كلنا ، وكانت البنت الي عندها 14 سنة لما تعرف اني عندي 11 كانت مبتكلمنيش وده لان عمليا مش هينفع نتجوز ، والبنت الي عندها 19 سنة ، كانت كبييييييييرة اوي بالنسبة لي !
مقدمة طويلة شوية انا عارف ، بس النهاردة انا هكلمك عن انسب طريقة لاختراق العقل البشري ، تخيل معايا ان العقل هو عبارة عن مجموعة برامج كمبيوتر وبتتصنع بأكواد ، فلو قدرت انك تتعرف على الكود هتقدر تعمل البرامج الخاصة بيك انت . ولو عرفت مشاكله هتقدر تستخدمها لصالحك .
الطبيعي انك لو شغال على الكمبيوتر العادي وفتحت كذا برنامج في نفس الوقت هتلاقي الكمبيوتر بيهنج او بيتقل ، وده حصل لان الراما بتاعة الجهاز حصل عليها ضغط اكبر من مساحتها فمقدرتش تستحمل فالجهاز عمل ريستارت ، بالظبط العقل بيشتغل بنفس الطريقة .
العقل الواعي بيستقبل من 5 ل 9 معلومات في نفس الوقت ، ده معناه انه يقدر يحفظ رقم من 9 ارقام ، بس لو اديتله 10 هيبدأ يهنج ، ويهنج ديه يعني كمصطلح في التنويم الضمني بنسميها عملية " الارباك " وفيها العقل الواعي بيقف عن العمل وبيبدأ اللاواعي ياخد مكان ويشتغل بداله ، ساعتها اللاواعي بياخد تعليمات وبينفذها لكن ملوش علاقة بالتحليل والمنطقة والعمليات الي بيقوم بيها العقل الوعي .
في المقدمة الي كتبتهالك ، احتمال تكون شايف ان ملهاش لازمة ، بس لما تبصلها تاني من منظور الارباك ، هتكتشف اني بدأت احملك بكذا معلومة ، بالنسبة لك معلومات تافهة بس خليني اقولك سر ، انت قريت وده معناه انك ممكن تكون خدت بالك او مخدتش بالك من الاقتراحات الي زرعتهالك في خلال المقدمة الي كتبتها ، زي " الواحد بيحب يثبت نفسه في الي بيعمله حتى لو كان مش مقتنع بيه لسة" او " اكتر حاجة بتبسط الواحد بجد هو انه يعرف حاجة كانت غريبة عنه ويتميز فيها" لو مخدش بالك فده معناه ان المعلومات ديه بتلاقي طريقها جوا دماغك دلوقتي ولو كنت خدت بالك اراهنك انك معترضتش عليها وكانها جملة عادية بتقراها بس خد بالك اني ميزتها بتلات نقط قبل وبعد كل جملة .
الميند لوب - او الدايرة العقلية - هيا عبارة عن فكرة ، ليها بداية ونهاية علشان العقل يفهمها ، السر هنا ان لو انا فتحت دايرة ومقفلتهاش او بدأت في فكرة ومقفلتهاش وبدات ادخل في فكرة تانية ومقفلهاش وتالتة ومقفلهاش وهكذا ، هيحصلك ارباك ، لاني هحملك بمعلومات كتير اوي انت بتسمعني فمضطر انك تحلل كلامي وعلى رأي المثل "متركزش علشان متهيسش" حرفيا ده الي بيحصل لما نسمع فيلسوف بيتكلم او بعض رجال السياسة او رجال الدين وهما بيتكلموا او حتى شخص عادي بس بيرغي كتير، فيه ناس عندها قدرة انها تاخدك في رحلة بكلامها من فكرة للتانية للتالتة وترجعك تاني للافكار ديه وهيا بتتكلم فتكتشف ان كلامها مقنع جدا بس المشكلة انك مكنتش فاهم حاجة .
وده بيحصل من خلال القصص ، هقربهالك اكتر ، لو انا قولتلك قصة وعند ذروة الاحداث بدات ادخل في قصة تانية وعند الذروة دخلت في التالتة وهكذا مثلا :
انا روحت قابلت محمد بصيت لاقيت رجله مكسورة وبيعيط .. افتكرت ساعتها الواد ابراهيم لما جيه المدرسة في مرة وخطف مني القلم وهو بيجري واحد صاحبنا زقه من على سور المدرسة وكان هيقع بجد في اللحظة ديه جالي تليفون من واحد قريبي وقالي انت فين قولتله انا في المدرسة قالي طب تعالى بسرعة ... وبص يمين وشمال وانت بتعدي الشارع ... علشان فيه واحد قريبنا مات ، فقومت عديت على محمد كان علي قفشه قبل مايقع من فوق السور وروحت لاقيت قريبنا مات لانه حصلتله حادثة ورجله اتكسرت زي الكسر الي حصل لمحمد بالظبط بس الحمد لله ربنا ستر على محمد
عندنا في المثال ده تلات قصص : محمد الي رجله اتكسرت ، ابراهيم الي خطف القلم وقريبنا الي مات ، وعندنا اقتراح مضمن "بص يمين وشمال وانت بتعدي الشارع" ، انا بدات افتح لوب او دايرة فكرية ومقفلهاش ، فتحت التانية والتالتة وقبل ماقفل التالتة اديتك اقتراح مباشر في خلال كلام عادي بس انت مفكرتش فيه بالوعي بتاعك فدخل للعقل اللاواعي بشكل مباشر وبدات اقفل القصص بتاعتي من الاخر للاول .
تأثير ده الحقيقي ان الشخص الي بتكلمه هيبدأ ينفذ الاقتراح حتى من غير ماياخد باله من انك قولتهوله في كلام عابر . وده لو فكرت كويس هتكتشف ان اغلب كلامنا هو كلام وتجارب ناس تانية كانوا بس بيحكولنا قصص والاقتراحات الاقوى هي الي بتيجي في وسط دواير عقلية مش مقفولة .
في كورس فن الاقناع والتأثير النفسي بالتنويم الضمني ، نتعرف اكتر على فكرة استخدام الارباك والترانس في توصيل الاقتراحات المباشرة علشان تكتشف بعد كده ان الشخص الي بتكلمه بينفذ حرفيا كلامك من غير مايفكر انك انت الي وجهته من البداية وده استخداماته كتيرة في عمليات الاقناع والتاثير ، من الحاجات الجديدة التانية في كورس التنويم تقنية اسمها الادراك اللاواعي ، وديه تقنية بدات اطبقها في اغلب المحاضرات الي بعملها للتنوم وخلت ناس كتير اوي تهتم بالتنويم اكتر ، وفكرتها انك بتتعلم ازاي تقدر تزرع فكرة في عقل الشخص الي بتكلمه وبتقوله كلام عادي جدا بعيد تماما عن الفكرة الي انت عايز تقنعه بيها ، واسمها PWA او ال Perception without awareness ... واساليب عقلية تانية بتشوف فيها حرفيا استخدام التنويم الضمني في الفعل وده الي بيخليها دورة مميزة انك مش بس بتجرب ده على نفسك انت بتشوف تأثيره على الي حواليك بعنيك وبتبدأ تحكيلي تجاربك.
تخيل ابعاد تانية لاستخدام تقنيات اختراق العقل البشري وزرع الافكار وده ممكن يوصلك لإيه ، نتايج ملهاش حدود ، بس لو عايز تتعرف اكتر وتحجز مكانك في اقرب دورة تنويم ضمني معتمدة ابعت ميل باسمك وايميلك ورقم تليفونك على info@nihadragab.com وهنبعتلك في اقرب فرصة .
نهاد رجب
اول مدرب عربي في فن الاقناع والتأثير بالتنويم الضمني
مؤسس الشبكة العربية للتنمية البشرية
http://www.nihadragab.com/
Http://www.arabhd.com
اكتر من رائع
ردحذفاكتر من رائع
ردحذف