التنويم الضمنى وزرع الافكار
الساعة 10 و9 دقايق
الدنيا حر ، وانا فارد ضهري ، والكمبيوتر على بطني وعمال اكتبلكم المقالة ديه ، الدنيا حر اوي ومينفعش اصيف اكتر من كده علشان في كائنات اليفة في البيت وانا خايف على مشاعرها ، عندي لوزة ومشمش وبوزو، مبيعرفونيش غير لما يكونوا التلاتة جاعنين واحد منهم مينفعش يجوع علشان كده كده هو لسة بيرضع بس لما بيلاقي الي سبقوه بيصوتوا بيصوت معاهم .. احساس غلس لما تلبس حاجة غامقة لون الكمبيوتر الي انت شايله ، بالذات ان الغوامق بتشد الحرارة اكتر . ومصدر الهوا بتدور فوقيا ... الاسم ان الواحد بيحمد ربنا على الجو اين كان .
دلوقتي .. غمض عينك ... وتخيل كل حاجة انا قولتها دلوقتي . وجاوب على الاسئلة ديه ، متستغربش بس اسمح لنفسك انك تجاوب وركز في الصورة بس متحاولش تجاوب بذكاء ..
في الصورة الي انت شايفها ليا في خيالك :
1-انا فارد ظهرى على اية؟
2-الكومبيوتر نوعة اية عادى ؟ ولا لاب توب؟
3-اية نوع الحيولنات الاليفة عندى فى البيت؟
4- انهى لسة بيرضع؟ لوزة ولا مشمش ولا بوزو ؟ واية نوعة ذكر ولا انثى؟
5-انا لابس اية؟ واية اللون الغامق الى انت متخيلة دلوقتى؟
6- اية هو مصدر الهوا الى فوقيا؟ تكييف ولا مروحة؟
7-دلوقتى بسرعة...فكر فى اسم اى اسم ييجى فى دماغك دلوقتى مش لازم يكون حد تعرفة
متكلمش قراية الا لما تجاوب على ال 7 أسئلة الي فوق
الواحد بيستغرب جدا لما يعرف اد ايه عقله مبيبطلش تفكير ، ومينفعش تقعد ثانية من غير ماتحكم او تتخيل ، يعني لو قولتلك متفكرش في قطة سودا هتفكر فيها .. ولو قولتلك ان فيه ولد ابوه قتله امبارح علشان سرق فلوس فانت هتتخيل البيئة الي جاي منها الولد ده ، العقل بيقيم طول الوقت .. ومع ان ديه مش حاجة كويسة لأي حد عايز يأثر على الناس ويغير من ادراكهم طول الوقت بس خليني اقولك ان في التنويم الضمني وباستخدام تقنيات بسيطة ، تقدر تزرع افكارك في عقل اي حد اين كان هو مين في خلال مانت بتقول كلام شكله لأي حد عادي ..
بالنسبة للأسئلة الي فوق لو جاوبت الاجابات ديه او معظمها يبقى انا متأكد انك هتهتم تقرى باقي المقالة :
سرير ، لاب توب ، قطط ، بوزو (ذكر) ، لابس فانلة وشورت شورت لونه أسود ، مروحة ، أحمد أو محمد .
اي حد يقدر يقول ان الموضوع بسيط طريقته وديه حقيقة فعلا بس محدش بيستخدمها ، زيها زي حاجات كتير اوي احنا بنعرف انها بتحصل بس برضه مش بنستخدمها ولما بنسمع عنها بنقول "انا كنت فعلا بعمل كده زمان او انا اعرف حد كان بيعمل نفس الموضوع ده"
الي بيحصل ان في تجربة اسمها الماجيرك ايفكت او تأثير الماجيرك ، هتشوف واحد قدامك على الشاشة بيقول حرفين ويكررهم وانت المفروض تحدد هو بيقول ايه
http://www.youtube.com/watch?v=aFPtc8BVdJk
افتح اللينك ومتكملش قراية الا لما تشوف الفيديو ، هتشوف الشخص بيقول حرفين اسمعهم مرة وانت مفتح عينك ومرة وانت مغمض عينك .
هتلاحظ انك لما تشوف الفيديو وانت فاتح عينك هتسمعه بيقول "دادا دادا" لكن وانت مغمض هتبقى "بابا بابا" ، ومع انك عارف ان ديه خدعة بس كل مرة هتفتح فيها عينك علشان تسمع الجملة هتلاقيها "دادا دادا" بس هو فعلا بيقول "بابا بابا" الفكرة شكل حركات شفايفه وهو بيقوله وطريقته طريقه حد بيقول "دادا دادا" فانت مقتنع بده وده لان عقلك حلل وقيم وفي الاخر وصل للنتيجة ديه ، والعقل يقدر يتخدع بسهولة زي انك تكون لابس هيدفون وتعلي الصوت وتكلم حد جمبك وتكتشف ان صوتك عالي وانت مش واخد بالك ، او تكون نايم وتحلم بكابوس وهوب تقوم وانت خايف وكل ده كان في خيالك .
فمن النقطة ديه ومن فكرة ان العقل بيقيم وبيحلل وبيدي احكام ، هنبدأ ندخله من السياق ده ، من خلال تقنية اسمها زرع الافكار وليها كذا شكل ، منها الشكل بتاع ال 7 اسألة ، الي احنا بنتكلم فيه وفكرته انك تقدر تخلي حد يفكر في اي حاجة انت عايزه يفكر فيها من غير ماتقوله يفكر فيها ، مجرد انك بتوجهه لده من خلال المصطلحات الي بتستخدمها وادائك .
يعني لو انا دخلت حد في حالة الترانس وبنيت الالفة وااسست السلطة العليا وبدات اكلمه بالتدفق اللغوي عن ازاي الواحد ممكن ينسى حاجات قريبة منه لدرجة انه يقدر ينسى اسمه ، وبدات اني اتكلم بالطريقة ديه لفترة دقيقة او اتنين والشخص في ترانس ، وابدأ ساعتها اسأله عن اسمه ، في الوقت ده فرصة انه يجاوب تكاد تكون معدومة ببساطة لان مفيش كبير على التنويم ومحدش مينفعش يدخل فيه ، فلو انا جيت سلمت عليك ورفعت ايدك في الهوا وبصيتلك في عينك وقولتلك " بمبي " مثلا ، هتستغرب (ديه بداية المرحلة) او ممكن نسميها هترتبك يعني ، وبعد كده بدأت ازيد من الربكة الي انت فيها (هتتسمر) وديه تاني مرحلة ، وبعد كده بدأت اخد منك موافقات على كلامي (ان الواحد يقدر ينسى حاجات كتير منها اسمه) هتوافق وهتبدأ تتفاعل معايا وتستقبل اقتراحاتي وتنفذها .
التقنيات ديه سهل انها تستخدم في الاعلانات والتسويق ، انت متعرفش مين بيجرب عليك ايه ، بالذات لما تعرف ان اي حاجة انت بتفكر فيها لازم يكون ليها رابط فلو فكرت في موسيقى او نغمة ده لانك سمعتها من ثواني او لانك شوفت حاجة فكرتك بيها (فكرة)، وممكن تحس ساعتها انك عايز تسمعها (احساس) ، وساعتها هتبدأ تسمعها (سلوك) ، فاحنا باستخدام تقنيات التنويم الضمني (بنزرع الفكرة) ، بنطور الاحساس وفي النهاية (بنتوقع السلوك)
وفي النهاية ، نصيحة مني ليكم ، بلاش حد يقيم ويحلل الناس باستمرار لانك هتبقى عرضة للتأثر اكتر منهم هما شخصيا ، ولما ييجي حد من الطلبة بتوعي يجربوا التقنيات هتبقى انت شخصيا نموذج مثالي ليهم ، ثانيا ،
الكلمات هي عبارة عن مؤثر فخد بالك ان كل كلمة انت بتقولها ليها مكانها في عقل الشخص اللي قدامك وبتفرق من كلمة لكلمة ، وخد بالك ان كل كلمة بتتقالك ليها روابط ذهنية . خد بالك انت بتقول ايه وبتستقبل ايه .
المقالة الجاية : عايز تخس ؟ هتعرف ازاي تقدر تخس من غير ريجيم ولا رياضة ولا ادوية ولا يحزنون وكله بالروابط العقلية.
نهاد رجب
اول مدرب عربي لفنون الاقناع والتأثير النفسي بالتنويم الضمني
http://www.nihadragab.com/
علشان تعرف اخر اخبار الدورات الخاصة بيا والاقناع والتاثير النفسي ، ابعت ايميل باسمك ورقم تليفونك وايميلك على info@nihadragab.com وفي العنوان "طلب تسجيل" وهنراسلك بالجديد ان شاء الله .
الدنيا حر ، وانا فارد ضهري ، والكمبيوتر على بطني وعمال اكتبلكم المقالة ديه ، الدنيا حر اوي ومينفعش اصيف اكتر من كده علشان في كائنات اليفة في البيت وانا خايف على مشاعرها ، عندي لوزة ومشمش وبوزو، مبيعرفونيش غير لما يكونوا التلاتة جاعنين واحد منهم مينفعش يجوع علشان كده كده هو لسة بيرضع بس لما بيلاقي الي سبقوه بيصوتوا بيصوت معاهم .. احساس غلس لما تلبس حاجة غامقة لون الكمبيوتر الي انت شايله ، بالذات ان الغوامق بتشد الحرارة اكتر . ومصدر الهوا بتدور فوقيا ... الاسم ان الواحد بيحمد ربنا على الجو اين كان .
دلوقتي .. غمض عينك ... وتخيل كل حاجة انا قولتها دلوقتي . وجاوب على الاسئلة ديه ، متستغربش بس اسمح لنفسك انك تجاوب وركز في الصورة بس متحاولش تجاوب بذكاء ..
في الصورة الي انت شايفها ليا في خيالك :
1-انا فارد ظهرى على اية؟
2-الكومبيوتر نوعة اية عادى ؟ ولا لاب توب؟
3-اية نوع الحيولنات الاليفة عندى فى البيت؟
4- انهى لسة بيرضع؟ لوزة ولا مشمش ولا بوزو ؟ واية نوعة ذكر ولا انثى؟
5-انا لابس اية؟ واية اللون الغامق الى انت متخيلة دلوقتى؟
6- اية هو مصدر الهوا الى فوقيا؟ تكييف ولا مروحة؟
7-دلوقتى بسرعة...فكر فى اسم اى اسم ييجى فى دماغك دلوقتى مش لازم يكون حد تعرفة
متكلمش قراية الا لما تجاوب على ال 7 أسئلة الي فوق
الواحد بيستغرب جدا لما يعرف اد ايه عقله مبيبطلش تفكير ، ومينفعش تقعد ثانية من غير ماتحكم او تتخيل ، يعني لو قولتلك متفكرش في قطة سودا هتفكر فيها .. ولو قولتلك ان فيه ولد ابوه قتله امبارح علشان سرق فلوس فانت هتتخيل البيئة الي جاي منها الولد ده ، العقل بيقيم طول الوقت .. ومع ان ديه مش حاجة كويسة لأي حد عايز يأثر على الناس ويغير من ادراكهم طول الوقت بس خليني اقولك ان في التنويم الضمني وباستخدام تقنيات بسيطة ، تقدر تزرع افكارك في عقل اي حد اين كان هو مين في خلال مانت بتقول كلام شكله لأي حد عادي ..
بالنسبة للأسئلة الي فوق لو جاوبت الاجابات ديه او معظمها يبقى انا متأكد انك هتهتم تقرى باقي المقالة :
سرير ، لاب توب ، قطط ، بوزو (ذكر) ، لابس فانلة وشورت شورت لونه أسود ، مروحة ، أحمد أو محمد .
اي حد يقدر يقول ان الموضوع بسيط طريقته وديه حقيقة فعلا بس محدش بيستخدمها ، زيها زي حاجات كتير اوي احنا بنعرف انها بتحصل بس برضه مش بنستخدمها ولما بنسمع عنها بنقول "انا كنت فعلا بعمل كده زمان او انا اعرف حد كان بيعمل نفس الموضوع ده"
الي بيحصل ان في تجربة اسمها الماجيرك ايفكت او تأثير الماجيرك ، هتشوف واحد قدامك على الشاشة بيقول حرفين ويكررهم وانت المفروض تحدد هو بيقول ايه
http://www.youtube.com/watch?v=aFPtc8BVdJk
افتح اللينك ومتكملش قراية الا لما تشوف الفيديو ، هتشوف الشخص بيقول حرفين اسمعهم مرة وانت مفتح عينك ومرة وانت مغمض عينك .
هتلاحظ انك لما تشوف الفيديو وانت فاتح عينك هتسمعه بيقول "دادا دادا" لكن وانت مغمض هتبقى "بابا بابا" ، ومع انك عارف ان ديه خدعة بس كل مرة هتفتح فيها عينك علشان تسمع الجملة هتلاقيها "دادا دادا" بس هو فعلا بيقول "بابا بابا" الفكرة شكل حركات شفايفه وهو بيقوله وطريقته طريقه حد بيقول "دادا دادا" فانت مقتنع بده وده لان عقلك حلل وقيم وفي الاخر وصل للنتيجة ديه ، والعقل يقدر يتخدع بسهولة زي انك تكون لابس هيدفون وتعلي الصوت وتكلم حد جمبك وتكتشف ان صوتك عالي وانت مش واخد بالك ، او تكون نايم وتحلم بكابوس وهوب تقوم وانت خايف وكل ده كان في خيالك .
فمن النقطة ديه ومن فكرة ان العقل بيقيم وبيحلل وبيدي احكام ، هنبدأ ندخله من السياق ده ، من خلال تقنية اسمها زرع الافكار وليها كذا شكل ، منها الشكل بتاع ال 7 اسألة ، الي احنا بنتكلم فيه وفكرته انك تقدر تخلي حد يفكر في اي حاجة انت عايزه يفكر فيها من غير ماتقوله يفكر فيها ، مجرد انك بتوجهه لده من خلال المصطلحات الي بتستخدمها وادائك .
يعني لو انا دخلت حد في حالة الترانس وبنيت الالفة وااسست السلطة العليا وبدات اكلمه بالتدفق اللغوي عن ازاي الواحد ممكن ينسى حاجات قريبة منه لدرجة انه يقدر ينسى اسمه ، وبدات اني اتكلم بالطريقة ديه لفترة دقيقة او اتنين والشخص في ترانس ، وابدأ ساعتها اسأله عن اسمه ، في الوقت ده فرصة انه يجاوب تكاد تكون معدومة ببساطة لان مفيش كبير على التنويم ومحدش مينفعش يدخل فيه ، فلو انا جيت سلمت عليك ورفعت ايدك في الهوا وبصيتلك في عينك وقولتلك " بمبي " مثلا ، هتستغرب (ديه بداية المرحلة) او ممكن نسميها هترتبك يعني ، وبعد كده بدأت ازيد من الربكة الي انت فيها (هتتسمر) وديه تاني مرحلة ، وبعد كده بدأت اخد منك موافقات على كلامي (ان الواحد يقدر ينسى حاجات كتير منها اسمه) هتوافق وهتبدأ تتفاعل معايا وتستقبل اقتراحاتي وتنفذها .
التقنيات ديه سهل انها تستخدم في الاعلانات والتسويق ، انت متعرفش مين بيجرب عليك ايه ، بالذات لما تعرف ان اي حاجة انت بتفكر فيها لازم يكون ليها رابط فلو فكرت في موسيقى او نغمة ده لانك سمعتها من ثواني او لانك شوفت حاجة فكرتك بيها (فكرة)، وممكن تحس ساعتها انك عايز تسمعها (احساس) ، وساعتها هتبدأ تسمعها (سلوك) ، فاحنا باستخدام تقنيات التنويم الضمني (بنزرع الفكرة) ، بنطور الاحساس وفي النهاية (بنتوقع السلوك)
وفي النهاية ، نصيحة مني ليكم ، بلاش حد يقيم ويحلل الناس باستمرار لانك هتبقى عرضة للتأثر اكتر منهم هما شخصيا ، ولما ييجي حد من الطلبة بتوعي يجربوا التقنيات هتبقى انت شخصيا نموذج مثالي ليهم ، ثانيا ،
الكلمات هي عبارة عن مؤثر فخد بالك ان كل كلمة انت بتقولها ليها مكانها في عقل الشخص اللي قدامك وبتفرق من كلمة لكلمة ، وخد بالك ان كل كلمة بتتقالك ليها روابط ذهنية . خد بالك انت بتقول ايه وبتستقبل ايه .
المقالة الجاية : عايز تخس ؟ هتعرف ازاي تقدر تخس من غير ريجيم ولا رياضة ولا ادوية ولا يحزنون وكله بالروابط العقلية.
نهاد رجب
اول مدرب عربي لفنون الاقناع والتأثير النفسي بالتنويم الضمني
http://www.nihadragab.com/
علشان تعرف اخر اخبار الدورات الخاصة بيا والاقناع والتاثير النفسي ، ابعت ايميل باسمك ورقم تليفونك وايميلك على info@nihadragab.com وفي العنوان "طلب تسجيل" وهنراسلك بالجديد ان شاء الله .
ليست هناك تعليقات:
إرسال تعليق