التنويم الايحائى
من 3 سنين ، دخلت في تجربة بعتبرها للحظة ديه اقوى تجربة مريت بيها في حياتي ، كانوا 7 ايام ، قضيتهم في قاعة المؤتمرات في مدينة نصر ، بتعلم فيهم اسرار السيطرة على العقل البشري ، من خلال تقنية اسمها التنويم الإيحائي .. كل حاجة كانت بالنسبة لي صدفة ، كل حاجة حصلت صدفة ، حتى اختيار الدورة ديه كان صدفة ، بس رب صدفة خير من الف ميعاد ، للحظة ديه تأثير التنويم الإيحائي بيكبر جوايا اكتر واكتر ، وكل يوم عن يوم بكتشف اد ايه التنويم الايحائي ممكن يغير نفوس صعب عليها انها تتغير . شفت بعيني حالات بتتغير في ساعة او اتنين ، شفت بعيني شخصيات بتتحول وعقول بتتحسن ونفوس بتتطور ووشوش بتتلون واعتقادات بتتغير وافكار بتتدمر وقلوب بتنضف .. كان تاثيرها اقوى من السحر ، عرفت ساعتها ان الانسان عنده القدرة انه بجد مش يتحكم في نفسه بس ده ممكن يتحكم في ظروفه في شكله في طريقة معاملة الناس ليه في كل حاجة حرفيا في كل حاجة ..
لو قولتلك انك ممكن تنام علشان تصحى وتكون شخص تاني صعب انك تصدق .. بجد هستغرب انك ممكن تصدق الكلام ده ، لكن الي اانا شوفته ممكن يخليني اصدق اكتر من كده ، واحدة كان عندها وجع في عمودها الفقري استمر معاها اكتر من 25 سنة ، في خلال ساعة واحدة كانت اتعالجت ، واحد كان عنده اكتئاب ومخرجش من بيته لمدة 8 سنين واتعالج ، واحد كان عصبي وهدي وناس كانت بتدخن وبطلت وناس كانت حياتها بتنتهي وبإذن الله بدأت من جديد ، لما اقولك ان واحد ممكن يعمل عمليه جراحية ويشيل ورم من دماغه من غير حقنة بنج واحدة ، هتصدق؟ لما اقولك ان واحد مشلول لسبب نفسي بقاله سنين طويلة وفجأة قام على رجله ، هتصدق ؟ لما اقولك ان واحد كان مش واثق من نفسه وخايف انه يتكلم حتى مع اقرب الناس ليه وفجأة بقى شخص اجتماعي وكل الناس بتحبه وبتسمعه ، هتصدق ؟
ساعات بنشوف حاجات قدامنا بتحصل ومش قادرين ندرك انها ممكن تحصل بجد ، ومن كتر ماهي اكبر من ادركنا بنخاف اننا ندركها ، انا متاكد ان عندك مشاكل ، كل واحد عنده مشاكل ، حتى المعالجين بالتنويم الايحائي عندهم مشاكل بس فيه فرق بين واحد عنده مشكلة وعارف وبيشتغل عليها وواحد عنده مشكلة ومش عارف ازاي يشتغل عليها وواحد ميعرفش اساسا انه عنده اي مشاكل .
عقلك بيتكون من روابط عصبية صغيرة جدا شايلة جواها سلوكك وصفاتك وطباعك وعاداتك ومشاكلك واهتماماتك وكل حاجة عنك ، لو اتربطت ببعض هتلف الارض مرتين ، جواك اكتر من 150 مليار خلية عصبية ، كل خلية فيها مخزن يكفي معلومات الارض ، جواك عالم تاني كبير اوي كل يوم عن يوم بنتاكد ان الانسان طبيعته موصلناش ل واحد في المية منها ، وانه يقدر يعمل حاجات تخلينا بوضعنا ده مش مؤهلين اننا نتسمى بالبشر ، فيه ناس قدرت تسافر بالخيال ، وناس قدرت تموت وتصحى بإذن الله وناس قدرت تخف وتتعالج وناس قدرت تحرك الجماد من غير ماتلمسه وناس قدرت تتواصل بالافكار وناس قدرت تقرى العيون ... وناس قدرت تخرج برة جسمها وتسافر في اماكن محدش راحها قبل كده .. فنصيحة مني لو انت عندك مشكلة انك تصدق ، لازم تصدق حالا ، لان الموضوع اكبر مما تتخيل .. انت مش شخص عادي اتولد علشان يعيش دقايق ويموت ، انت من خلق الله عز وجل ، انت انسان وعندك قدرات تفوق توفعاتك وادراكك . الي بتحلم بيه مهما كان كبير فانت اكبر منه دايما وكل يوم بنشوف نماذج لناس قدرت ووصلت وعدت وجيه الوقت الي المفروض تحط نفسك معاهم وتفرض نفسك في حياة جديدة كلها نجاح ومشاركة ومشاعر انتصار وسعادة .
علشان ده يحصل لازم تعرف ازاي تتواصل مع المكان ده ، المكان الي جواك الي شايل تاريخك ، والتنويم الايحائي سمح بكده ، بدايته ممكن تكون من الالاف السنين ، بس استخدامه من يومين فاتوا ، من حق كل واحد انه يتعرف على اساليب التنويم الايحائي علشان يحسن بيها حياته ويتواصل مع قدراته الحقيقية الي جواه ، مجرد انك تعرف وتشوف وتتاكد ان ناس قدروا يوصلوا ويحققوا الي انت تخيلته مستحيل هيخليك تقرب اكتر واكتر من الإيمان بوجوده . انا شوفت وبدعوك انك تشوف ولكده جهزت دورة جديدة ليوم السبت الجاي ان شاء الله ، هتكلم فيها عن التنويم الايحائي وهعمل جلسة فيها عن تحفيز السعادة وزيادة الثقة بالنفس .. شاركني بدعمك وبأفكارك ولو مهتم انك تنضم للصفوة ، ادخل على اللينك ده وسجل في الدورة وخلينا نشوفك : ))))
http://www.facebook.com/event.php?eid=161403609759&ref=mf
او اتصل على : 23939396 – 23963355 واحجز مكانك في التنويم الايحائي
نهاد رجب
• مؤسس الشبكة العربية للتنمية البشرية
• مدرب محترف معتمد من المركز الكندي
• مدرب معتمد من المؤسسة العالمية للمدربين التوستماسترز
• معالج متخصص بالتنويم الايحائي - المركز الكندي
• ممارس متقدم في البرمجة اللغوية العصبية
• مؤلف كتاب "تعلم كيف تحدث التنويم الايحائي
ليست هناك تعليقات:
إرسال تعليق