سحر العقل ..ج 3
ايه رأيك .. تخيل كده لو العالم ده كله بتاعك ، دنيتك ديه ملكك ، في ايدك ، هتعمل ايه ؟ ده مجرد سؤال ! تخيل ..
كل حاجة حواليك بتاعتك ، الشارع ، العماير ، الشركات والمطاعم والمستشفيات والعربيات ، كل حاجة بتاعتك ، هتعمل ايه ؟
خليني اساعدك ، انا اول مانزل من بيتنا هلاقي عربية ، هقول للشخص الي بيسوقها يخرج برة علشان اخدها وامشي ... ممم ، هي مش فكرة حلوة لانه الطبيعي انه مش هيسيبهالي .. طيب انا مش هتضايق لان لسة فيه حاجات تانية كتير بتاعتي ، هروح هارديز واخد الي انا عايزه وامشي ... برضه مش راضي يمشيني ولازم ادفع الأول ، طيب هركب من غير مادفع تذكرة ! ولا حياة لمن تنادي .
ياعالم الدنيا ديه بتاعتي ، العالم ده ملكي ، كل حاجة هنا ليا ... !
محدش هيسمعك للاسف لان معادلة قوانين الجذب مختلفة عن المعادلة الجديدة الي هتعرفها دلوقتي .
الدنيا ديه عبارة عن 4 عناصر : الحب ، الفلوس ، النجاح والمخاطرة .
ديه الدنيا الي في دماغي .. وديه الدنيا الي ملكك ، فيه ناس قدروا يحققوا الحب وماتوا زي ماما تريزا ، وفيه ناس قدروا يحققوا الفلوس زي دونالد ترامب ، وفيه ناس حققوا النجاح وفيه ناس ببساطة "عاشوا المخاطرة" يعني عاشوا حياتهم .
حياتك هيا عبارة عن مخاطرة كبيرة ، بتحب علشان تعيش ناجح وتجيب فلوس ، فالحقيقة ان كل حاجة مرتبطة ببعض ، لو معشتش من غير شوية مخاطرة ، مش هتقدر تحب ، ولو محبتش هتعيش مكتئب ولوحدك وهتفشل ومحدش هيدي لنفسه مرتب !
كل واحد حقق حاجة تلاقيه قرب من كل حاجة تانية ، وعلشان تمتلك الدنيا في ايدك ، لازم تحقق الاربع عناصر ، الحب ، الفلوس ، النجاح والمخاطرة ..
المرة ديه انا جايب حاجة من الصندوق ، فكرة صدت شوية ، بس لو حد عرفها محدش هيسيبها .. سر اقوى من السر لرهوندا بيرز ، سر اقوى من مجموعة محاضرات تنمية بشرية في بعضيهم ، سر لما تعرفه مش هتحتاج اي حد تاني .. السر ده نفسك !
كل واحد فينا روحه من روح ربنا ، يعني من الآخر انت مفيش حاجة هتقولك لا وجواك قوة ممكن نختصرها مجازا في انك لو عوزت حاجة هتقولها كن فيكون.
طيب ، انت ليه مبتعملش كده ومبتقدرش تعمل كده ؟ ببساطة لانك بتقولها غلط !
فيه فرق السما والارض بين انك تقول "انا نفسي يبقى معايا فلوس اوي" و "انا هبقى غني كمان يومين" استنى عندك .... انا مبتكلمش عن الجذب تماما ، انا بتكلم عن معادلة عقلية صغيرة جدا ممكن فعلا تحللك كل مشاكل ..
لو انت تخين وعايز تخس ، لو انت غبي وعايز تفهم ، لو انت بتحب وعايز تكره ، اين كان انت عايز ايه ، الموضوع ده يهمك جدا .. متخليش الوساوس تمنعك من انك تكمله.
انا ببساطة بدعي ان الواحد لو عاز اي حاجة في الدنيا ، مش هيطلب من الكون ، ولا هيطلب من اهله ، بس هيطلب من نفسه ، ايوة يعني لو عوزت فلوس خد منك انت ، تاني .. فيه مشكلة رهيبة في قانون الجذب ، الي انت هتعوزه هتجذبه ، ده ببساطة الجذب المشكلة انك ممكن تجذبه فعلا بس تعرف انه مش ليك ! بس الفكرة الجديدة بتخالف ده ، وبتقولك ان الي انت هتعوزه هيجيلك (بقوانين العقل فقط لا غير) مدام جواك ، والي انت هتتمناه (بالجذب) مش هيجيلك ولو عملت ايه ولو جالك مش هيبقى ليك
يعني لو انا فرضا نفسي اخس .. مش هقول انا نفسي اخس ، بس انت عارف ان الواحد بيحتاج انه يقلل اكله شوية علشان يقدر يخس ، هايل ويلعب رياضة ، بس خلينا في الاكل دلوقتي ، استخدامنا للنظرية الي هقولك طريقتها اقوى من لو انت قولت "انا نفسي اجيب جهاز الخسسان الخارق ابو الفين دولار وعايز استخدمه علشان اخس" ، طبقا لنظريتنا الجديدة انت هتقول "انا هحس اني شبعت اول ما الطبق الي قدامي ده يخلص" . بمنتهى البساطة !
بس قبل ماتتحول لمقالة طبقك اليوم خليني اقولكم امثلة تانية : "انا هحس اني مبسوط اوي لما اقابل الشخص الفلاني" .. "انا هحس اني مش محتاج ادخن في اول فرصة اتعرضلها" .. "انا هحس بكذا لما كذا يحصل"
ده بالنسبة للتنويم الضمني اسمه الربط الشرطي ، بالصدفة اكتشفت ان الربط الشرطي مش بس بيشتغل على الناس الي متوجهلها الحديث ، دانت ممكن توجه اغلب تقنيات التنويم الضمني لنفسك ، النظرية بتقول :
اقتراح مباشر + ربط شرطي + استحضار ذهني لصورة مرتبطة = تحقيق لأي حاجة في دماغك
يعني "انا هيحصلي كذا لما اشوف كذا" = اقتراح مباشر + ربط شرطي
او وديه حاجة انا جربتها بنفسي :
"انا هحلم بالشخص الفلاني واحنا في المكان الفلاني لما انام"
استحضار ذهني لصورة مرتبطة = انك تبدأ تشوف شكل الطبق لما يخلص او الشخص الي انت عايز تحلم بيه في صورة تاخد منك جزء من الثانية وفي نفس الوقت تتخيل احساسك ساعتها او حاجة واحدة هتقولها (كرابط) ..
الغريب انك هتكتشف ان كل مرة تعمل فيها الطريقة ديه، انها بتشتغل .
وممكن منها اكتب الف مقالة عن فايدتها واستخداماتها ، حرفيا انت بتطلب من عقلك انه ينفذ وعقلك بينفذ ، بمنتهى البساطة ، بقالك سنين بتحرق في نفسك وعايز تتغير في شىء ما ، ومش عارف ، ده لانك مش عارف تكلمه ، عقلك عبارة عن خدام ليك ، انت بتوجهه بنفسك ، لو شافك مش عارف تتصرف بيتصرف هو من نفسه ، وساعتها ممكن يإذيك ، هو بس هيعملك الي انت بتحب تعمله حتى لو كان هو ده الي انت عايز تبطله .
نجاحنا غالبا بيبقى مرتبط بالربط الشرطي ، يعني انا هبقى ناجح لو خسيت ، او لو ذاكرت ، فلو قدرنا اننا نحقق الاسلوب هنوصل للنتيجة ، علشان نحقق الاسلوب صعب وده لان ممكن حد يكون بيكره المذاكرة ، فلو قدر يحب المذاكرة ويشتغل عليها ، هيقدر يوصل للي هو عايزه وكلها سلسلة واحدة لو عقدة اتفكت كل حاجة هتتحل .
طبعا الطريقة ديه قوية جدا تحت التنويم بتعديل بسيطوبستخدمها في الجلسات الي بعملها . انا عارف انك ممكن تكون شايف اني ببالغ في قوتها بس ده ان شاء الله موضوع كتابي الجديد الي بجهزله وفيه اسرار لما هتقراها هتحس ان الدنيا اتقلبت جواك وبقيت شخص تاني لمجرد انك عرفتها
جرب تقول لنفسك الاقتراحات ديه :
"انا هتعب من المذاكرة لما اخلص الجزء ده من الكتاب" + استحضار ذهني لشكل التعب وشكل الفصل لما يخلص !
ملحوظة : واحدة من ديفوهات النظرية الجديدة انك متقدرش تركب حدثين مع بعض زي انك تقول "انا هحس اني مبسوط لما اخلص الفصل ده" ، لان الطبيعي انك هتتعب قبل ماتبدأ مذاكرة ، فانت استخدمت النظرية فعلا ، وهي انك أجلت التعب لحد ماتخلص الفصل ، فمينفعش تأجل التعب وتلغيه في نفس الوقت ، وده موضوع هتلاقيه في الكتاب قريب بإذن الله .
لعبة :
في اللعبة ديه هتعرف ازاي تقدر تستخدم قدرات عقلك اللاواعي وتبقى تجربة حية للفكرة الي بكلمك عنها ..
فكرة اللعبة انك بتقول الاقتراح وبتلاقي عقلك بينفذهولك ، عن طريق 5 عملات معدنية فئة جنيه ، ابدأ قول اقتراح "انا عايز كل وجوه الجنيهات تبقى ملك وضهرها كتابة" امسكهم بين ايديك الاتنين وابدا فنطهم بصوابعك من غير ماتفكر او تركز ، تقدر تبصلهم نظره لا تركيزية وانت بتلعبها (ده استحضار صورة ذهنية) مع انك تتخيل شكل العملات تحت بعضيهم كلهم وجوههم "ملك" ، وابدا فنطهم بصوابعك وبعد كده جمعهم تحت بعض ، خمس عملات تحت بعض وهتكتشف ان من تاني او تالت مرة جات معاك صح بشكل كامل .
نهاد رجب
مؤسس الشبكة العربية للتنمية البشرية | http://www.arabhd.com/
أول مدرب عربي في فن الاقناع والتأثير بالتنويم الضمني |
http://www.nihadragab.com/
مؤلف كتاب "عيشها بدماغك" - قريبا ان شاء الله
كل حاجة حواليك بتاعتك ، الشارع ، العماير ، الشركات والمطاعم والمستشفيات والعربيات ، كل حاجة بتاعتك ، هتعمل ايه ؟
خليني اساعدك ، انا اول مانزل من بيتنا هلاقي عربية ، هقول للشخص الي بيسوقها يخرج برة علشان اخدها وامشي ... ممم ، هي مش فكرة حلوة لانه الطبيعي انه مش هيسيبهالي .. طيب انا مش هتضايق لان لسة فيه حاجات تانية كتير بتاعتي ، هروح هارديز واخد الي انا عايزه وامشي ... برضه مش راضي يمشيني ولازم ادفع الأول ، طيب هركب من غير مادفع تذكرة ! ولا حياة لمن تنادي .
ياعالم الدنيا ديه بتاعتي ، العالم ده ملكي ، كل حاجة هنا ليا ... !
محدش هيسمعك للاسف لان معادلة قوانين الجذب مختلفة عن المعادلة الجديدة الي هتعرفها دلوقتي .
الدنيا ديه عبارة عن 4 عناصر : الحب ، الفلوس ، النجاح والمخاطرة .
ديه الدنيا الي في دماغي .. وديه الدنيا الي ملكك ، فيه ناس قدروا يحققوا الحب وماتوا زي ماما تريزا ، وفيه ناس قدروا يحققوا الفلوس زي دونالد ترامب ، وفيه ناس حققوا النجاح وفيه ناس ببساطة "عاشوا المخاطرة" يعني عاشوا حياتهم .
حياتك هيا عبارة عن مخاطرة كبيرة ، بتحب علشان تعيش ناجح وتجيب فلوس ، فالحقيقة ان كل حاجة مرتبطة ببعض ، لو معشتش من غير شوية مخاطرة ، مش هتقدر تحب ، ولو محبتش هتعيش مكتئب ولوحدك وهتفشل ومحدش هيدي لنفسه مرتب !
كل واحد حقق حاجة تلاقيه قرب من كل حاجة تانية ، وعلشان تمتلك الدنيا في ايدك ، لازم تحقق الاربع عناصر ، الحب ، الفلوس ، النجاح والمخاطرة ..
المرة ديه انا جايب حاجة من الصندوق ، فكرة صدت شوية ، بس لو حد عرفها محدش هيسيبها .. سر اقوى من السر لرهوندا بيرز ، سر اقوى من مجموعة محاضرات تنمية بشرية في بعضيهم ، سر لما تعرفه مش هتحتاج اي حد تاني .. السر ده نفسك !
كل واحد فينا روحه من روح ربنا ، يعني من الآخر انت مفيش حاجة هتقولك لا وجواك قوة ممكن نختصرها مجازا في انك لو عوزت حاجة هتقولها كن فيكون.
طيب ، انت ليه مبتعملش كده ومبتقدرش تعمل كده ؟ ببساطة لانك بتقولها غلط !
فيه فرق السما والارض بين انك تقول "انا نفسي يبقى معايا فلوس اوي" و "انا هبقى غني كمان يومين" استنى عندك .... انا مبتكلمش عن الجذب تماما ، انا بتكلم عن معادلة عقلية صغيرة جدا ممكن فعلا تحللك كل مشاكل ..
لو انت تخين وعايز تخس ، لو انت غبي وعايز تفهم ، لو انت بتحب وعايز تكره ، اين كان انت عايز ايه ، الموضوع ده يهمك جدا .. متخليش الوساوس تمنعك من انك تكمله.
انا ببساطة بدعي ان الواحد لو عاز اي حاجة في الدنيا ، مش هيطلب من الكون ، ولا هيطلب من اهله ، بس هيطلب من نفسه ، ايوة يعني لو عوزت فلوس خد منك انت ، تاني .. فيه مشكلة رهيبة في قانون الجذب ، الي انت هتعوزه هتجذبه ، ده ببساطة الجذب المشكلة انك ممكن تجذبه فعلا بس تعرف انه مش ليك ! بس الفكرة الجديدة بتخالف ده ، وبتقولك ان الي انت هتعوزه هيجيلك (بقوانين العقل فقط لا غير) مدام جواك ، والي انت هتتمناه (بالجذب) مش هيجيلك ولو عملت ايه ولو جالك مش هيبقى ليك
يعني لو انا فرضا نفسي اخس .. مش هقول انا نفسي اخس ، بس انت عارف ان الواحد بيحتاج انه يقلل اكله شوية علشان يقدر يخس ، هايل ويلعب رياضة ، بس خلينا في الاكل دلوقتي ، استخدامنا للنظرية الي هقولك طريقتها اقوى من لو انت قولت "انا نفسي اجيب جهاز الخسسان الخارق ابو الفين دولار وعايز استخدمه علشان اخس" ، طبقا لنظريتنا الجديدة انت هتقول "انا هحس اني شبعت اول ما الطبق الي قدامي ده يخلص" . بمنتهى البساطة !
بس قبل ماتتحول لمقالة طبقك اليوم خليني اقولكم امثلة تانية : "انا هحس اني مبسوط اوي لما اقابل الشخص الفلاني" .. "انا هحس اني مش محتاج ادخن في اول فرصة اتعرضلها" .. "انا هحس بكذا لما كذا يحصل"
ده بالنسبة للتنويم الضمني اسمه الربط الشرطي ، بالصدفة اكتشفت ان الربط الشرطي مش بس بيشتغل على الناس الي متوجهلها الحديث ، دانت ممكن توجه اغلب تقنيات التنويم الضمني لنفسك ، النظرية بتقول :
اقتراح مباشر + ربط شرطي + استحضار ذهني لصورة مرتبطة = تحقيق لأي حاجة في دماغك
يعني "انا هيحصلي كذا لما اشوف كذا" = اقتراح مباشر + ربط شرطي
او وديه حاجة انا جربتها بنفسي :
"انا هحلم بالشخص الفلاني واحنا في المكان الفلاني لما انام"
استحضار ذهني لصورة مرتبطة = انك تبدأ تشوف شكل الطبق لما يخلص او الشخص الي انت عايز تحلم بيه في صورة تاخد منك جزء من الثانية وفي نفس الوقت تتخيل احساسك ساعتها او حاجة واحدة هتقولها (كرابط) ..
الغريب انك هتكتشف ان كل مرة تعمل فيها الطريقة ديه، انها بتشتغل .
وممكن منها اكتب الف مقالة عن فايدتها واستخداماتها ، حرفيا انت بتطلب من عقلك انه ينفذ وعقلك بينفذ ، بمنتهى البساطة ، بقالك سنين بتحرق في نفسك وعايز تتغير في شىء ما ، ومش عارف ، ده لانك مش عارف تكلمه ، عقلك عبارة عن خدام ليك ، انت بتوجهه بنفسك ، لو شافك مش عارف تتصرف بيتصرف هو من نفسه ، وساعتها ممكن يإذيك ، هو بس هيعملك الي انت بتحب تعمله حتى لو كان هو ده الي انت عايز تبطله .
نجاحنا غالبا بيبقى مرتبط بالربط الشرطي ، يعني انا هبقى ناجح لو خسيت ، او لو ذاكرت ، فلو قدرنا اننا نحقق الاسلوب هنوصل للنتيجة ، علشان نحقق الاسلوب صعب وده لان ممكن حد يكون بيكره المذاكرة ، فلو قدر يحب المذاكرة ويشتغل عليها ، هيقدر يوصل للي هو عايزه وكلها سلسلة واحدة لو عقدة اتفكت كل حاجة هتتحل .
طبعا الطريقة ديه قوية جدا تحت التنويم بتعديل بسيطوبستخدمها في الجلسات الي بعملها . انا عارف انك ممكن تكون شايف اني ببالغ في قوتها بس ده ان شاء الله موضوع كتابي الجديد الي بجهزله وفيه اسرار لما هتقراها هتحس ان الدنيا اتقلبت جواك وبقيت شخص تاني لمجرد انك عرفتها
جرب تقول لنفسك الاقتراحات ديه :
"انا هتعب من المذاكرة لما اخلص الجزء ده من الكتاب" + استحضار ذهني لشكل التعب وشكل الفصل لما يخلص !
ملحوظة : واحدة من ديفوهات النظرية الجديدة انك متقدرش تركب حدثين مع بعض زي انك تقول "انا هحس اني مبسوط لما اخلص الفصل ده" ، لان الطبيعي انك هتتعب قبل ماتبدأ مذاكرة ، فانت استخدمت النظرية فعلا ، وهي انك أجلت التعب لحد ماتخلص الفصل ، فمينفعش تأجل التعب وتلغيه في نفس الوقت ، وده موضوع هتلاقيه في الكتاب قريب بإذن الله .
لعبة :
في اللعبة ديه هتعرف ازاي تقدر تستخدم قدرات عقلك اللاواعي وتبقى تجربة حية للفكرة الي بكلمك عنها ..
فكرة اللعبة انك بتقول الاقتراح وبتلاقي عقلك بينفذهولك ، عن طريق 5 عملات معدنية فئة جنيه ، ابدأ قول اقتراح "انا عايز كل وجوه الجنيهات تبقى ملك وضهرها كتابة" امسكهم بين ايديك الاتنين وابدا فنطهم بصوابعك من غير ماتفكر او تركز ، تقدر تبصلهم نظره لا تركيزية وانت بتلعبها (ده استحضار صورة ذهنية) مع انك تتخيل شكل العملات تحت بعضيهم كلهم وجوههم "ملك" ، وابدا فنطهم بصوابعك وبعد كده جمعهم تحت بعض ، خمس عملات تحت بعض وهتكتشف ان من تاني او تالت مرة جات معاك صح بشكل كامل .
نهاد رجب
مؤسس الشبكة العربية للتنمية البشرية | http://www.arabhd.com/
أول مدرب عربي في فن الاقناع والتأثير بالتنويم الضمني |
http://www.nihadragab.com/
مؤلف كتاب "عيشها بدماغك" - قريبا ان شاء الله
ليست هناك تعليقات:
إرسال تعليق