بالعقل كدة.....الاسلام

بالعقل كدة........الاسلام

"أقسم بالله لأنا قاري الرسالة ديه لحد الآخر ، اديك اقسمت ، اقرى بقى والا هتصوم تلات ايام وييجي العو يطلع عين اهلك ـ "

كتير بتقابلنا رسايل من نوعية الجملة الي فاتت ، وبنستغرب جدا منها ولما بنكمل الرسالة بنكتشف انها اشياء مش ممكن انسان عاقل يصدقها ومع ذلك في ناس بتصدقها جدا وبتؤمن بيها وبتحكيها في المناسبات ، في خلال المقالة ديه هستعرض كذا حاجة قابلتني وانتوا تقرروا ..

النبي ومن نب النبي نبي ، امبارح الشيخ أحمد حامل مفاتيح الكعبة شاف النبي ، في منام (ده على اساس انه ممكن يكون شافه في بيتهم) ، ووصاه وصية للمسلمين من مشارق الارض ومغاربها وقاله ان القيامة قربت والناس في غفلة وان فيه قريب اوي نجمة هتظهر في السما (سبحان الله.. نجمة تخيلوا !! ياترى النجوم ديه شكلها ايه لما تبقى في السما !!!) وقاله يا احمد وصيتك بتنشر الرسالة ديه بين المسلمين والي هينشرها هيكسب شفاعتي والرزق الوفير والخير الكثير (شوفتوا الفجر) والي هيتجاهلها "فإنه يحرم من رحمة الله" ... وفي نفس الرسالة الشيخ احمد بيقول انه حلم برضه (بسم الله ماشاء الله عليه) حلم يوم الاتنين – اكيد علشان اجازة الحلاقين – ان الي ينشرها 30 مرة – من الاخر يبعتها ل 30 واد وبنت على الليستة بتاعته في الفيس بوك – ربنا بيرزقه وعرف نفس الشيخ ان فيه واحد نشرها تاني يوم كسب 30 الف ريال(فرق عملة)، وواحد تاني كسب 96 الف !! وواحد تاني كذبها ومنشرهاش ، ابنه تاني يوم مات – غالبا علشان الواد كان بيلعب في الكهربا واد سيس مش متربي ..

مبدئيا حامل مفاتيح الكعبة اسمه عبد العزيز ، الشيخ عبد العزيز آل شيبه ومسموش أحمد ، وزي ماقال الشيخ القرضاوي " وطالما سألنا الناس في المدينة وفي الحجاز عن هذا المدعو الشيخ أحمد وعن وظيفته، فلم نعثر له على أثر ولم نسمع عنه خبرًا، ولم يعرف في وقت من الأوقات هذا الشيخ أحمد ولا رآه الناس في المدينة في يوم من الأيام ولم يسمعوا هناك هذا الخبر، ولكن جاء من يشيع في بلاد المسلمين مثل هذه الوصايا المحزنة ."

ورسالة تانية جامدة جدا وصلتني قريب ، واحد بيحلف بالطلاق ان بنته كانت عيانة وبتموت وحلمت بالسيدة عائشة جات وحطيت ايديها على جبهة بنته ودعيتلها والبنت خفت وجابت السيدة عائشة (خرقة) وكتبت عليها أمانه تبعتها ل 30 واحد تعرفها وانت يجيلك الخير الكثير واشوفك امير وعندك بعير (ديه من عندي) ، ولما بعتها بنته اتجوزت وفيه واحد قال ايه الكلام الفاضي ده ومبعتهاش صحي تاني يوم لقى نفسه عيل صغير وعاملها على روحه (اشياء من هذا القبيل)

عندنا كل يوم جمعة بيجيلنا شيخ من الارياف بيخطب بينا ، وانا ساكن في شارع القصر العيني في مكان اغلب الي فيه مبيصلوش اساسا ، بس علشان يوم جمعة فبنتجمع وبنسمع الخطبة ، من الحاجات الي شدتني في خطبته جملة "مين قال ان الرسول بشر ؟؟؟؟ احنا هنكفر !!!!!! الرسول نووووووووووووور ، من وجه الله ، ربنا خد من نوره والقى نوره فإذا هو محمد ، الله اكبر الله اكبر ، يجماعة الرسول نور ، ده كان بيقعد مع اصحابه وفجأة وشه ينور من كتر النور ولما كان بيروح من مكان لمكان ، كان بيطير في الهوا ، اااااه امال ايه " الشيخ الجميل التمستله العذر وده لأن فيه ناس بتحب النبي اوي .. عايز تعرفهم ؟ هتلاقي اغلبهم بيقول "حضرة النبي" فمن كتر الحب بدأ الناس تنشر احاديث على لسان النبي محصلتش ظنا منه انه بكده بيحبب عبيد الله في الرسول .. والرسول صلى الله عليه وسلم "من كذب علي متعمدا فليتبوأ مقعده من النار" ، اما حديث ان الرسول قبضة نور فده حديث موضوع في العصر العباسي (موضوع غير ضعيف ، موضوع يعني حد جيه راح الفه والناس بدأت تتناقله واعتقدت انه حديث)

جم الشيعة ودول حكايتهم حكاية ، بدأ الموضوع معاهم ببدعة صغيرة اوي ، ومن البدعة بدأت تكبر لحد ما بقى من الشيعة خمسين فرقة كل فرقة بتتكلم شوية مع نفسها ، منهم الروافض الي بيسبوا الصحابة وأم المسلمين السيدة عائشة وده اتكتب فيه كتب ، فبدأ الشيعة يألفوا دين جديد ، شعاره ، نحن لها نحن لها (لها مين بقى مش موضوعنا) يكتبوا احاديث ، عادي جدا ، يضعفوا احاديث ، عادي جدا ، يشككوا في نبوة سيدنا محمد وان النبوة كانت في طريقها لسيدنا علي بس الي نزل بالرسالة تاه او اتكعبل على رأيهم (اصلهم مكنوش مسفلتين) ، عادي جدا ، المشكلة الاكبر ان فيه ناس مننا وصلتلهم بعض الافكار الشيعية وبدأم يتبنوها ، اشهرها تشكيك بعض الناس في نزاهة بعض الصحابة بسبب اقاويل قروها في كتب ومراجع شيعية او حتى اسلامية سنية من غير دراسة وفهم موضوعي للي حصل ويبدأ ينبثق بعض من الي بيسموا نفسهم مفكرين اسلاميين ، يضعفوا احاديث للبخاري ويطلع واحد يقولك ياجماعة الحديث الي في البخاري ده ضعيف ، اصل انا صحيت النهاردة ولاقيت هاتف جالي وبيقولي لازم تقول للناس ياحمادة مفيش حد نضيف غيرك يوعي الناس ، ويبدأ يألف كتاب ويبقى ليه تابعين وناس مدعمين وشوية شوية نلاقي نفسنا بنتجر ناحية الفكر الشيعي وبندافع عنه وبنتهم السنة بالتخلف العقلي علشان كده جيبتلكم النهاردة بعض من مبادىء الشيعة بالنسبة للي عايز يعني يتعرف اكتر عليهم ..

خليني اسالك سؤال شيعي بحت ، ازاي تعرف ان البطيخة موالية لآل البيت ولا ناصبية ؟ اكيد مش عارف ، ماهو بسبب انك مش بتقرى حضرتك فاكيد مش عارف ، بص بقى الخميني بيقولك ايه :

حدثنا حمزة بن محمد العلوي ، عن أحمد بن محمد الهمداني ، عن المنذر بن محمد ، عن الحسين بن محمد ، عن سليمان بن جعفر ، عن الرضا ، عن أبيه ، عن جده ، عن أبي جده ، أن أمير المؤمنين أخذ بطيخة ليأكلها ، فوجدها مرة فرمى بها ، فقال : بعداً وسحقاً !! وفقيل له : يا أمير المؤمنين ، وما هذه البطيخة ؟ فقال : قال رسول الله صلى الله عليه وسلم : إن الله تبارك وتعالى أخذ عقد مودتنا على كل حيوان ونبت ، فما قبل الميثاق كان عذباً طيباً ، وما لم يقبل الميثاق كان ملحاً زعاقاً .

فلو طعمها حلو تبقى من آل البيت ولو طعمها وحش تبقى بطيخة كافرة ، اه امال ايه ... طيب بلاش ديه ، تعرف انك لو عطست بطريقة معينة يخرج من مناخيرك طائر يدعيلك ليوم القيامة ؟ برضه مش مصدقني ؟ خد ديه

عن أبي عبد الله قال "من عطس ثم وضع يده على قصبة أنفه ثم قال: الحمد لله رب العالمين الحمد لله حمدا كثيرا كما هو أهله وصلى الله على محمد النبي الأمي وآله وسلم: خرج من منخره الأيسر طائر أصغر من الجراد وأكبر من الذباب حتى يسير تحت العرش يستغفر الله له إلى يوم القيامة" (الكافي 2/481

اما المهدى المنتظر فالشيعة بتقول انه لما هيخرج هيخرج عريان وهيظهر في عين الشمس ، متستغربش ماهو الدنيا كده كده هتبقى حر ! ده طبيعي جدا ، عايزه يخرجلك بإيه ؟ بنايك ولا اديداس؟

سبحان الله ، افتراءات على الله تضحك ، اما بخصوص الجنس عند الشيعة كان نفسي اقتبس بعض الحاجات من الي قريتها ومت على نفسي من الضحك بس احتمال الفيس بوك يقفلي الاكاونت بتاعي بسبب الاباحة ..

فتلاقي واحد عاملك فيلم كله جنسي وطبعا لازم يتريق على الشيوخ ،فيجيبلك ارهابيين بيخطبوا في الجامع واحد منهم بيقول كل بدعة ضلالة وكل ضلالة في النار ويمسكوه مسخرة ، سبحان الله ، يجماعة هو الي قال "كل بدعة ضلالة وكل ضلالة في النار" انتوا هتعرفوا احسن منه ؟ لما الاقي واحد بيصلي جمبي واحنا في التشهد الاقيه رافع صباع ايديه اليمين والشمال ، وفي اخر التشهد لما يبص يمين بيحرك الصوابع لجهة اليمين ولما يبص شمال بيحركهم شمال وكانه بيندب ، او ييجي حد يسلم عليك بعد الصلاة وتيجي تقوله حضرتك ديه بدعة ، يقولك ياعمي مين الحمار الي قالك كده ، اساله "حضرتك البينة على من ادعى ، حضرتك سمعت عن الرسول انه كان بيعمل كده ؟" يقولك "مانا اهلى كلهم كده غير فهمني هه فهمني فيها ايه يعني" ، تقوله "حضرتك احسن من الرسول الي ربنا بعثه علشان يتم بيه نعمته ؟" يقولك "بطلوا تخلف بقى" ، سبحان الله ، ناس بتألف وناس بتخترع ولما حد يحاول يصلحلها تأخذه العزة بالإثم ويبدأ الشيطان يبررله تصرفاته ويتمسك بالي بيعمله حتى لو كان غلط لمجرد ان ابوه واجداده كانوا بيعملوا زييه ..

واحدة تطلع تقول ان الرسول صلى الله عليه وسلم في حديث ليه طلب من اصحابه يشاركوه في عائشة جنسيا وبتدافع جدا عن الحق ده ومتمسكة بالحديث ده جدا ، ولما المذيع قالها ده حديث ضعيف (يعني غلط مكذوب عن النبي) ، قالتله "ايوة ايوة ماهو لما حاجة تبقى لحق الست تقولوا ضعيف والراجل لا" ، يعني حضرتك شايفة ان من حق الست ان الرجالة يشاركوا جوزها فيها؟ ده الي انتي بتدافعي عنه ؟ المشكلة انها سعودية واسمها زينب حفني ، كاتبة كتاب ملامح وهربانة في لندن دلوقتي ، وواحدة تقولك ، اتحدى اي حد يجيبلي دليل من القرآن ان الحجاب من الشرع ، سبحان الله ، ديه تايهة ديه ولا ايه ؟؟؟؟

وفي النهاية صحيح انا اتريقت على الاخطاء الي بشوفها واتريقت على كلام الشيعة ومحاولات هدمهم لسنة محمد صلى الله عليه وسلم ، بس خليني اعترف انهم على الاقل قدروا ينتشروا بيننا ، بقى فيه ناس بتدافع عنهم وبتقف في صفهم حتى من غير مايعرفوا نوع عقائدهم ايه ، تحت مسمى الحرية والديمقراطية ، في كل حاجة ، في تيسير الدين (شيعة) في تيسير الجنس (شيعة) في تيسير اللواط ولعب الرجل بعورة الرجل (شيعة) وتلاقي شخص اسمه حسن نصر الله يطلع يقولك سوف ننتصي عيا اسيئايي ونييهم نصي كييم ، ويقعد في خطبه يشتم في اصل السنة والدين ويتهم الصحابة بالاثم والفجور ويتهم امهات المسلمين بالضلال ، اعاذنا الله ، اتمنى ان عقيدتنا تنتشر والي مطمني آية في القرآن ربنا بيقول فيها "يريدون ان يطفئوا نور الله بافواههم ويابى الله الا ان يتم نوره ولو كره الكافرون" اللهم امين اللهم امين بس علشان ده يحصل اتمنى ان كل واحد فينا بجد ينتصر لدين الله وينصر نبيه واقولهالكم تاني ، اتعلم علشان ترد ولو انت متعلمتش فعلى الاقل متخطلش بناس بيستهزئوا بعقيدتك ، انا صحيح مش شيخ ، وامي بتتحايل عليا علشان اصلي ، ومش متخصص ، اقرى المقالة ديه تاني هتلاقيني بتكلم بمنطق واحد بيحلل الي بيسمعه ويقدر يعرف فين الاختلاف ومين صح ومين غلط ، واتمنى انك متبصلهاش بإطار ديني بحت وتشوف كلامي من منظور حيادي مختلف )))

والبقية تأتي وفي النهاية احب اختم بقصة حصلت لواحد صاحبي ، كان صغير في تانية ابتدائي تقريبا لما الميس طلبت منهم الواجب ، فبتقولهم يولاد لازم تعملوا الواجب علشان تروحوا الجنة ، وكان الواجب كتير فراح وقف وقالها ميس ميس ، نعم يااحمد ، يميس الرسول صلى الله عليه وسلم قال ... صلى الله عليه وسلم ياحبيبي ، قال ياميس "لا تفعلوا والواجب وانتم مش عايزين" ضحكت الميس وقالت قصدك "وانتم مكرهون يا احمد" ، قالها ايوة ياميس ، قالت صدق رسول الله صلى الله عليه وسلم ، وبدأت تفسر الحديث !!!

ملحوظة "احمد هو الي الف الحديث"

نهاد رجب

مدرب فن الاقناع والتأثير بالتنويم الضمني

http://www.nihadragab.com

زرع الافكار الجزء الثانى:تنويم ضمنى واقناع بالايحاء

زرع الافكار الجزء الثانى: تنويم ضمنى واقناع بالايحاء

هستعرض معاكم النهاردة ، فكرة جديدة مطورة من افكار التنويم الضمني ، بعض منكم اتعرف على التنويم الضمني وجاتله فرصه انه يتعرف على المجال الواسع ده الي بيؤهلك انك تقدر تخلي حد يفكر بدماغك وتخليه يقتنع بالكلام الي بتقوله عن طريق كلامك والفاظك والتقنيات المستخدمة في حوارك وناس كتير اوي راسلوني بتجارب تحفة مع التنويم الضمني والاقناع النفسي.. اما بالنسبة للي مجتلوش فرصة انه يتعرف على التنويم الضمني ، فهو باختصار القدرة على الاقناع والتأثير باستخدام تقنيات نفسية عالمية في حالة التنويم الضمني ، والمرة ديه هتكلم عن تقنية في الاقناع اسمها زرع الافكار كنت اتكلمت عنها من فترة بس المرة ديه هتكلم عن اسلوب مختلف لزرع الافكار الي هيؤهلك انك تخلي الاشخاص متقبلين كلامك قبل ماتقوله ومستعدين انهم يوافقوك عليه قبل ماتعرض فكرتك ..

يعني ايه زرع افكار ؟ زرع افكار يعني الموقف التالي :

"انت : اهم حاجة يا أندرو ان الواحد يقول الحق وميكدبش، قولي بقى مين الي اكل الجزرة ديه ؟

أندرو : اوكي ، مش انا الي كلتها وانا مش بكدب عليك"

ببساطة ، الي انت عملته انك رسمت للشخص اطار ، كسرت فيه المعارضة وبنيت الفة واستخدمت التدفق اللغوي ..

ببساطة اكتر ، المحادثة الي فاتت انت قولت فيها لأندرو سؤال بس قبل ماتسال السؤال كسرت المعارضة (والمعارضة هي اي رد فعل معاكس الشخص ممكن ياخده ضدك) وانت كسرتها من خلال استخدامك لتدفق لغوي او نمط لغوي ربط فيه بين اندروا والواحد ال بيقول الحق ومبيكدبش والظريف ان في رد اندرو هتكتشف انه استقبل الكلام ده على نفسه لما استخدم كلمة "انا مش بكدب عليك" وفي الاساس انت الي قولت الجملة ديه من البداية ...

كنت بكلم شخص فطلب مني اننا نتقابل ، قولتله طيب نتقابل ايه المشكلة يعني .. وبعدها بفترة في خلال نفس المحادثة قولتلها انتي عارفة ، اكتر حاجة بتشدني في البنت انها متبقاش سهلة ، تكون حد فاهم ولما يقرر حاجة يكون عنده اسبابه كاملة ... وفي اخر المحادثة بختبر زرع فكرتي عندها (متبقيش سهلة) بسالها خلاص على ميعادنا ؟ ، لاقيتها بتقولي الحقيقة يانهاد انا مش هقدر اقابلك لاننا لسة متعرفناش على بعض كفاية ، قولتلها بس احنا كنا متفقين قالتلي اصل انا مش عارفة انت عايز تقابلني ليه (مع العلم انها فكرتها هي من البداية) قولتلها "علشان انتي حلوة" ، قالتلي لا ده مش سبب كافي علشان يخليني اوافق اشوفك ، قولتلها طيب براحتك ...

من فترة اول ماتعلمت تقنيات التنويم الضمني نزلت علشان اجربها على الناس وليا واحد صاحبي عنده تاكسي فوافق اني لمدة يومين ادخل التاكسي واتكلم مع الناس ، وبقول كده بصراحة لاني مش مجرد واحد دارس تنويم ضمني ، التنويم بالنسبة لي متعة لانه بيخليني افهم الناس اكتر واعرف انسب طريقة للتعامل معاهم ، ومن يومين تكملة لتجربة التقنية الي بكلمكم عنها ، روحت محل موبايلات في القصر العيني ، وكان واحد صاحبي هناك ومع انه كان قلقان لانه عارف اني مليش في الموبايلات اساسا بس انا اقنعته يديني بس فرصة اتكلم مع عميل واحد ، قالي ماشي .. 5 دقايق دخل واحد شيك بدلة سودا ونضارة طلب يشتري موبايل في حدود 500 جنيه فشاف موبايل فعجبه شكله فقالي ممكن اشوفه ، قولتله طبعا ، فتحت التابلوه جيبتهوله وشغلناه وركبت فيه خط ورنينا على الموبايل ، رنته كانت ضعيفة بس الموبايل كان شيك اوي ، قالي ايه ده ده صوته واطي اوي ، ابتسمت وقولتله عندك حق نوعية الموبايلات ديه صوتها واطي لانها كلاسيك بس لو عايز حاجة صوتها ( كبير ) ، وجهته لموبايل تاني ، قالي ماشي ، كملت وقولتله الموبايل ده صوته كبير لو انت بتحب الدوشة ، وهنا وقف شوية وقالي امال ايه الفرق بينه وبين التاني قولتله ابدا ،التاني الماني جديد اتصمم علشان صوته يبقى (هادي) لانه كلاسيك متصمم لرجال الاعمال واصاحب المؤسسات والناس الكلاس يعني ، فمفيش حد فيهم هيحتاج ان رنة تليفونه تبقى دوشة وكبيرة وعالية، هو بس الي بيميزه عن باقي الانواع انه بيستحمل ، خفيف فيه امكانيات كويسة ، غالي شوية ، لما سالني كام ، قولتله 400 جنيه ، الجملة ديه كانت كافية ان الراجل يطلب انه يشوفه تاني ، ومسكه وقالي انت عارف ؟ انا ميهمنيش الشكل انا بس عايز حاجة تكوني خفيف كويسة وبتستحمل ، قولتله بس ده ب 400 جنيه ، قالي مش مشكلة ، بس كلاسيك !!

الموقف ده بيوضح ان الشخص ده بدأ يستخدم المصطلحات الي عرضتها عليه وبدأ يختار الي انا وجهته ليه ، وده اسمه زرع افكار وهو انك تخلي حد يفكر بدماغك ويختار الحاجة الي انت اقترحتها عليه ..

معادلة زرع الافكار كالآتي : كسر المعارض + بناء ألفة (وسلطة) + تدفق لغوي = زرع فكرة ..

او انك تعرف الشخص رد فعله ممكن يبقى ايه ، وتعكسه قبل ماتتكلم ، فلو واحد مثلا عنده فكرة ان كل العربيات الماروتي نوعها وحش متقولوش ان العربيات الماروتي حلوة ، لا قوله في الاول عارف لازم الواحد لما يقرر حاجة يتاكد الاول منها بنفسه قبل مايسمع لكلام الناس واللي يضحكك ان واحد ممكن يقولك ان الماروتي وحشة وهو مجربهاش او حتى لانه معرفش يتعامل معاها ... اراهن انك فهمت الجملة ديه تاثيرها شكله ايه لما تيجي تكمل كلامك وتعرض النوع ده على الشخص الي قدامك ، بنسبة كبيرة هيبدأ يتجاوب معاك لانك لغيت المعارضة بتاعته المبنية على رأي الناس بجملة بسيطة اوي انا الفتها في ثانية ، فمش هينفع يرفض (علشان الناس رايهها كده والا هيكون بيناقض نفسه) فهيبدأ يحاول يجرب بنفسه فعلا ، ولو انت بتعرض حاجة كويسة بجد هو نفسه هيقتنع بيها .. ديه اول جزئية في زرع الافكار ، تاني خطوة انك تبني الفة افكار ومعناها انك تحط الشخص في غرفة الموافقة وده من خلال اطار اسمه المراجعة ، لما تكسر المعارضة وتقول للشخص ، ".... ، بس احنا ان شاء الله هنجرب دلوقتي عربية تكون سريعة وقوية ومريحة من جوا وشبابية " الموافقة حصلت لما قولت سريعة لانه الشخص ده اكيد قالك في البداية انا عايز عربية سريعة وقوية ومريحة من جوا وشبابية فلما تقول انت المواصفات ديه تاني عليه هينسى انه هو الي قالها في البداية فهيقتنع بالعربية قبل مايشوفها وفي النهاية تختم بربط لغوي باستخدام كلمة علشان او وده معناه ..

تعالوا نشوف نموذج كامل :

عارف لازم الواحد لما يقرر حاجة يتاكد الاول منها بنفسه قبل مايسمع لكلام الناس واللي يضحكك ان واحد ممكن يقولك ان الماروتي وحشة وهو مجربهاش او حتى لانه معرفش يتعامل معاها ، احنا لو هنقول عايزين عربية فالواحد عايز عربية تكون سريعة ، هادية وقوية وبتستحمل ، صح ؟ علشان كده فانسب عربية ليك ولعيلتك هي العربية الماروتي لانك لما هتشوفها هيشدك شكلها الشبابي ولما تدخلها هتكتشف اد ايه مريحة من جوا وحتى صوتها واطي ومبتسمعوش ، عربية قوية ، بيني وبينك انا برضه كنت واخد عنها فكرة زي الزفت بس السمع لوحده مش كفاية لاني لما جربتها حسيت باختلاف رهيب ...

الي هيحصل كالآتي / نفس الشخص ده بعد ماتتكسر المعارضة معاه وتبني معاه الفة الافكار هيبدأ يركز على امكانيات العربية وايجابياتها وبكده انت بتزرعله فكرة انه محتاج العربية ديه بجد ... طبعا انت ممكن تستخدم التقنية ديه في اي عملية اقناع في الدنيا، لو تحب ممكن تشاركني موقف ونفكر سوا ايه انسب جملة ممكن تقولها علشان تزرع للشخص التاني فكرة يوافقك عليها ، وحبيت اقول ان الجملة الي فاتت مفيهاش زرع افكار بس ، ده فيها بناء الفة مبني على تحليلات الشخصية والبرامج العليا للشخص وربط شرطي ، يعني اكتر من تقنية ، لضيق الوقت مش هقدر اتكلم عنهم كلهم بس ان شاء الله في خلال الدورة بتتعلم تحط تقنياتك في جملة واحدة تأثيرها قوي ومميز لما هتلاحظه هتتاكد من قوة التنويم الضمني كمنهج قائم بذاته في فنون الاقناع والتاثير ...

وفي النهاية ، انا اول ماسمعت عن التنويم الضمني قولت ايه الكلام الفارغ ده ، تنويم وتقنيات واسمه كان غريب بالنسبة لي ، بس انت عارف اي حاجة في بدايتها بتبقى غريبة بس لما تروح وتشوف بنفسك غير لما تسمع بودانك او تقرى بعنيك ، فلما الواحد فكر هو محتاج ايه في حياته اكتشف ان اهم حاجة في الدنيا انك تقدر تقنع الناس بيك لان ساعتها بس نجاحك او فشلك بيعتمد على قدرتك في الاقناع والتاثير في الناس من حواليك ... انا مش عارف انت حسيت ولا لسة باهمية ده في حياتك بس لو جربت وشاركت الناس الي عاشوا الحياة الجديدة هتكتشف انك جيت في وقتك ...

لو عايز تلحق مكانك في دورة سبتمبر يوم 24 الجاي او اكتوبر (15 اكتوبر) ، بس ابعت ايميل على arabhd@maktoob.com واكتب في العنوان "تسجيل دورة سبتمبر " او "تسجيل دورة اكتوبر" وجوة اسمك ورقم تليفونك ، وان شاء الله تكون ضمن فريق التنويم الضمني

نهاد رجب

اول مدرب عربي في تقنيات الاقناع والتأثير بالتنويم الضمني

http://www.nihadragab.com

كوميديا ج 2- اصلى جدا

كوميديا ج 2- اصلى جدا

عنده 50 سنة وغالبا كارمه في 10 ، وبيقول "ايه التخلف العقلي ده ، حجاب ايه ، بيقولوا ان الشعر بيفتن ، هو ايه دماغهم كلها جنس ، هو الشعر الي هيفتن يعني ، كلام فارغ ومش من الدين ، انا اتحدى واحد بس يجيبلي آية في القرآن بتفرض الحجاب"

"أنا بنادي باحترام الآخر ، الدين مش حكر لحد ، الدين مش بتاعك لوحدك ...

اتفضل حضرتك اتكلم ...

برضه بتقاطعني ؟؟؟

طيب حضرتك قول رأيك ..

رأيي انك حمار مبتفهمش وارائك كلها غلط...

تمام بس انا افتكر .. لا متفتكرش ... بس انا شايف ... لا متشوفش .. طيب ايه رايك .. مش شغلك ... حضرتك بتطالب بإيه ؟ ... احتراااااااااااام رأي الاخر"

"انا بحترم الحرية وبكتب للانسان وطظ في المتشددين"

قابلتهم قبل كده ؟ لو كنت قابلتهم فانت هتفهم انا بتكلم عن ايه ولو لسة فخليك على الخط لانك هتقابلهم قريب ، المهم لو لاقيت نفسك منهم ، اقرى للاخر ..

زي ماكنت دايما بقول ، انا راجل مش شيخ ، انا مهمتي في الحياة اني اخد بالي من الي بيحصل حواليا وعلشان كده مش غريبة اني اعمل دورة في تقنيات الاقناع النفسي بالتنويم الضمني ، لان كله تعامل مع الشخصيات ..

من صغري كانت دماغي بتعلى بحاجتين ، اللبن والمجادلات ، اعشق المناقشات والمجادلات ، اي حاجة فيها رأي ورأي اخر احب اوي ادخل في حوارات زي ديه ، ولما كبرت شوية بطلت اللبن وبقيت ادي دورات في التنويم الضمني وده لانه منهج بيعرفك دماغ الي قدامك ديه بتلف ازاي فيه ايه وبتفكر في ايه ، وازاي تقدر تقنعها تكون من الشخص شيخ او تصنع منه ابليس ..

فالي حصل مع الوقت اني خدت مناعة ، عارف لما تكون عارف ان 1 +1 = 2؟

وحد جيه قالك 1 + 1 = 3 ... هتفقسه ، هو بيحاول ينصب عليك او يغشك او يسمم افكارك ، المشكلة ان ده بيحصل كتير اوي ، بلاحظ حركات زي كده واساليب اقناعية بيتبعها بعض من الناس الي بيسموا نفسهم مفكرين علشان يأثروا على الناس والاتجاهات العامة ..

فمثلا تلاقي واحد عنده 50 سنة وانا كارمه في 10 سنين وبيقولك ان الحجاب لا يمنع الفتنة وان الكلام ده غلط وبيستنكر الناس الي بتقول كده لان ده غلط تماما ومفيش اي حاجة بتحصل زي كده ..

اول حاجة عايزك تاخد بالك منها لما تشوف حد بيتكلم ، انك تعرف مرجعيته ايه ، او مصادره ، فلو حد بيتكلم في الهندسة مينفعش يبقى عربجي ، لازم يبقى مهندس ، لو طب يبقى دكتور لو سياسة يبقى سياسي ولو دين فيبقى عالم في الدين ، لكن دلوقتي بتتحقق نبوءة سيدنا محمد صلى الله عليه وسلم لما اتكلم في الرويبضة لما قال : انها ستكون سنون خداعات .. يخون فيها الأمين ويؤتمن فيها الخائن .. ويكذب فيها الصادق .. ويصدق فيها الكاذب .. وينطق فيها الرويبضة .. قالوا وما الرويبضة يا رسول الله ؟ قال : الرجل التافه يتكلم فى أمر العامة "

التافه بيتكلم في أمر العامة ، يعني تلاقي يطلعلك واحد ويقولك ان السيدة عائشة مسئولة عن مدابح حصلت في الدولة الاسلامية ، وحد تاني يقولك ان زيد كان السبب في اين كان ، ومش عارف مين بسببه حصل ايه ، والغريب انك تلاقي الشيعة بيقولوا نفس الكلام في الوقت الي الناس بتطلع تنادي وتطالب بان مفيش فرق بين سني وشيعي ، بيني سني ورافضي وكلنا مسلمين مفيش فرق بين ناس بيضربوا الشيوخ في الجوامع بالجزم وبين السنة ، مفيش فرق بين واحد بيتنجس لو صلى على سني وبين السنة مفيش فرق بين ناس همهم الحكم والسلطة وقتل اطفال ورجال السنة وبين السنة، مفيش سني ومفيش شيعي ، فيه واحد بيعبد ربنا بطريقته ..

تخيل معايا لو انت شغال في مؤسسة ، وعملت اجمل تصميم لأجمل موقع على الانترنت ، راحوا طاردينك ، سبحان الله ، ازاي ديه ؟ طبيعي لان ديه مؤسسة مستحضرات تجميل !! طيب بس انا بعمل موقع يعني علشان اشتغل بطريقتي ، هيقولولك لأ الي عمل مؤسسة حطلها قوانين ، وانت مشيت بدماغك ، الطبيعي ان صاحب مؤسسة بيحط القوانين والموظفين بيمشوا عليها ، وبيتفانى الموظفين في اتباعها لكن ان واحد منهم يخالفها ويخلق لنفسه قانون جديد ، فيستاهل الطرد ، وده لانه بيهدم المؤسسة ومش في مصلحتها الا بقى لو حد تخيل انه ممكن يكون بيفهم احسن من الي صنعها والغريب ان فيه ناس ممكن تفكر كده والعجيب انه لو كان بيفهم اكتر فعلا كان زمانه هو صاحبها ، لو كل واحد قال بس انا هشتغل بدماغي وعايز اخد نفس الخير الي بياخده غيري ، فتبقى غبي ، ديه مؤسسة وليها قوانين لإيما تتبع القوانين وتحسن من نفسك لإيما تسيب المؤسسة وتبعد ..

الله عز وجل لما خلقنا حطلنا قوانين بالقرآن والسنة ، وقال انه اتم نعمته علينا ، يعني كده خلاص ، مفيش تعديل ، مفيش نسخ ، مفيش اضافات .. ييجي واحدة عاهرة تقولك ، لا لا لا استنى ، اصل القرآن نزل على ناس من 1400 سنة ، لكن دلوقتي الدنيا اتغيرت والقوانين المفروض تتغير ..

الموضوع بسيط ، بشكل علمي بحت ، النظرية نظرية مؤسسة ، كل مؤسسة ليها قوانينها زي ماوضحت .. خلينا بقى ناخد النظرية ديه ونبني عليها ...

بالنسبة للأستاذ الي بيقول ان الشعر مش بيفتن ، لو فكرتوا معايا وحللتوا الموقف ، هتلاقوه واحد عنده على الاقل 50 ل 60 سنة ، فاكيد الشعر مش هيفتن .. مع احترامي ليه بس افتكر ان كبيره يدخل الحمام بس انه يتفتن فصعبة اوي عليه ، واحب اقوله ياسيدي انا عندي 23 سنة وبقولك اه بيفتن :D

انا مش عارف مين من الشباب مدعمني بس اه ، انا لما بشوف بنت مش محجبة وشكلها سيس نفسي بتروحلها اكتر عن لو كانت محجبة وزي القمر ، اه بيفتن حضرتك ، ليك وليها بيفتن ، والله انتي مش معترفة ، فجربي تكوني ولد بس متتكلميش على لساننا ، ده لو شيخ هيتفتن ، اشحال امثالي !!

فانا مصدر اهو ومرجع ليكي ولكل واحدة بتقول "انا مش هتحجب وانت هتتأدب" حضرتك "لو متحجبتيش فالأدب متلاقيش " لاننا عايشين زي ماتفقنا في مؤسسة واحدة ، كل فرد فيها مسئول وليه دور وبيأثر على الناس الي حواليه وفي نفس الوقت بيأثر على هدف المؤسسة ، فلو حصل خلل في شخص ما ، المجتمع الي حواليه هيتأثر بنفس الخلل .. فلو انتي قررتي انك تخرجي عن قوانين المؤسسة ، اخرجي ، فيه ملايين غيرك مش لاقيين شغل وعايزين يدخلوها ، ولما هترجعي تاني هنقبلك بس ترجعي بقوانينا الاهم انك متقوليش انك صح وتصدقي لعبتك وتدافعي عنها وتنادي بيها ..

في الانجيل الحجاب مفروض وفي العهد القديم مكتوب ان الراجل الي يقبل على مراته او اخته او بنته انها تبين شعرها يتلعن !!! طلب بس بالنسبة للي بينكر الحجاب بين المسلمين ، عايزك تحاول تنكره بين اليهود والنصارى ، وهنا بيحضرني جملة فاروق جويدة لما قال "هل تجرؤ ان تكسر يوما أحد الصلبان ان تسخر يوما من عيسى او تلقى مريم في البهتان"

وبرضه مصر اني مجيبش آيات او احاديث ، انا هدفي هنا تحليل علمي للنقط الي ذكرتها لو مش موافقني فجيب تفسير احسن منها ..

بس تعالوا نكمل بفكرة المؤسسة ، كل مؤسسة ليها دستور ، وكل دستور ليه محاميين ، بس القاضي واحد ورأي القاضي ثابت ونافذ ومباشر وكل قاضي ليه مستشارين ، مينفعش المحامي يبقى قاضي او مستشار ، والقاضي مش بيتغير ، موظفين المؤسسة هو الناس الي صاحب المؤسسة اخترهم ينضموا ليها ، الناس درجات ، فيه منهم عاملين ومنهم خدامين ومنهم مدراء ومنهم رؤساء ، الاهم ان كل واحد مهم جدا في المكان الي هو فيه ...

الدستور واحد ، القاضي واحد ، وصاحب المؤسسة واحد ..

تعالوا نترجمها سوا ... المؤسسة هي الدنيا الي بنعمر فيها من خلال البشر ، الدستور هو القرآن والقاضي هو الرسول صلى الله عليه وسلم واحاديثه واسلوبه في فهم القرآن وتنفيذ الشرع ، المستشارين مجازا هنقول انهم اصحاب الرسول ، والمحامين هما الي بيصلحوا بين الناس بالعدل وبالفهم الامثل للدستور او نقدر نقول الشيوخ وعلماء الاسلام . كل الناس ديه مهمتها تنفيذ الشرع وقوانين صاحب المؤسسة ، الله عز وجل ..

ديه مؤسسة والله عايز تدخلها اهلا بيك ، بس بقوانينها ، متمرد وشايف نفسك ابن ابوه تقدر تنضم لجماعات التكفير والهجرة او جماعات العلمانيين المستشرقين المتأمركين ، بس معانا احنا مش عايزين ياطعم يابن الناس الميتين .

اما بالنسبة لبعض الناس هتلاقيهم برضه مش مصدقين ، الفكرة اني اكاد ان اجزم ان لو القرآن نزل بصور مدعمة برضه مش هيصدقوا وتلاقيهم بينادوا بحرية الرأي الاخر واحترام الرأي الاخر ، وهما مش بيعملوا كده ، اتفرج بنفسك على مهازل سيد القمني او وفاء سلطان ، شوف اقبال بركة وايناس الدغيدي (تخيل ايناس الدغيدي بتتكلم في القرآن ) وقريت مرة شعار لواحد كاتب ""انا بحترم الحرية وبكتب للانسان وطظ في المتشددين" ، طبعا المتشددين الي هما بيتكلموا بالدستور (دستور المؤسسة) ، والجملة ديه استوقفتني وضحكت عليها لمدة ساعتين مثلا وفكرتني بجملة تانية لكاتب اجنبي بيقول "انا اكتر حاجتين بكرههم ، العنصرية والسود" ، فتلاقي واحد بينادي بالحرية اما المعارضين (فطظ فيهم) ..

صدقتوني دلوقتي لما قولتلكم ان فيه حاجات مينفعش تعدي عليك كده بسهولة ، مينفعش تصدقها وتسكت ، مينفعش حد يقول جملة ويقولك اتنطط في الهوا او ازعل ، ربنا عز وجل ادالنا عقل نشغله ، فلو لاقيت مجموعة من الروافض بيسبوا صحابة وآل بيت وبينكروا النبوة اساسا فهل دول الي هتخليهم قضاه ؟ هل هتخلي تلامذتهم قضاه ؟ انتي اذكى من كده انا متاكد ..

لازم يكون ليك دور في نجاح المؤسسة ، علشان كده انت فيها ، فقدامك اختيارين ، لإيما تمشي على قوانين المؤسسة او تبتدع فيها ، لو مشيت على قوانينها الطبيعي انك بتساهم في نجاحها ، اما لو بدات تاخد سكة التشكيك ، فخليك ...

وفي النهاية بختم ب جملة "دع باب المسجد يازنديق ، قم واسكر بين الاوثان ، سيجيئك صوت أبي بكر ويصيح بخالد ، قم واقطع رأس الشيطان ، فمحمد باق مابقيت دنيا الرحمن" الشاعر فاروق جويدة .. متثقش في حد بيغير في دستور مؤسسة انت مسئول عنها ..

كان معكم

نهاد رجب

مدرب فن الاقناع والتاثير بالتنويم الضمني

http://www.nihadragab.com

كوميديا عامة

كوميديا عامة

نوتة المرة ديه عن الكوميديا سريعة ، ومفيهاش رغي كتير لموقف حصلي مع واحد مثليي جنسيا ، بيراسلني علشان اساعده يكون عادي وطبيعي ...

كل الي حصل انه وراني صوره ، صوره كان فيها لابس لبس حريمي من الدرجة الاولى بس مش ده الي شد انتباهي ، الي شد انتباهي الاتي :

انا : انا بس ياقائد كنت عايز اسالك سؤال

هو : ياريت تسأل

انا : انا شايفك لابس لبس حريمي بس انت ليه لابس طرحة ؟

هو : انا سمعت ان الشعر عورة !!!!

انا مش قادر امسك نفسي من الضحك .........

فكرني بشيخ كان بيحكي موقف مع الشيخ حسن البصري لما واحد راحله وقاله ياشيخ ياشيخ ، الشيخ قاله مالك ، قاله لقد زنيت بإمرأة وحملت مني ، فقال الشيخ ، لماذا لما تعزل عنها حتى لا تبوء بإثم الولد فوق إثم الزنا ، قال بلغني ان العزل مكروه ، قال يخرب بيتك بلغك ان العزل مكروه ولم يبلغك ان الزنا حرام !!!

تعليق :

كل انسان في الدنيا مهما وصل لاعلى مراتب العلم والذكاء والثقافة بييجي عليه وقت بيتصرف بغباء مدقع ، النفس ملهاش كبير والظريف انك ممكن تستخدم نقط الضعف ديه في اي انسان علشان تحقق منه نتيجة باستخدام تقنيات التنويم الضمني برضه ، لو عايز تعرف معلومات اكتر زور

http://www.facebook.com/event.php?eid=129825564543&ref=share

فن الاقناع والتأثير النفسى

فن الاقناع والتأثير النفسي

انك تدخل جوة دماغ الشخص الي بتكلمه وتفهم نفسيته وتعرف ازاي ممكن تتعامل معاه وتشوف الدنيا بعين مختلفة ، عين فاهمة ، عين عارفة وعين بتقدر تقيم ، ده ممكن يبقى حلم ناس كتير مننا عايزين يتعرفوا على سيكولوجية العقل البشري واسهل الطرق في التعامل معاه ، بنستخدم الكلمة كتير بس لحد دلوقتي بنتفرج على ناس عرفوا يوصولوا لمناصب كبيرة اوي ومش مننا غير اننا نبص عليهم ونستعجب ونستغرب هما عملوها ازاي وقبل مانتجنن بنبدأ نبرر بأي شكل ، ونقول حاجات امثال ان الناس دول منافقين ، كدابين ، حرامية ، معندهومش مبادىء وبعض مننا نسى ان مش دايما الواحد بيوصل لما يتخلى عن مبادئه ، بالعكس ، الي بيوصل فينا هو الشخص العارف امتى يتكلم وامتى يقول ايه وازاي ولمين ..

الناس الي عرفوا ينجحوا دول ناس عرفوا يوصلوا وقبل مايكونوا عرفوا يوصلوا لاهدافهم فهما عرفوا يوصلوا لناس تانية زيهم ، احنا بدأنا ناس وانتهينا ناس وبنموت نقابل ناس وبنعيش نقابل ناس اكتر ، فلو اقتنعت بده او لا ، لو سمعت الف اسطوانة بتتكلم عن التنمية البشرية والنجاح والتحفيز وتحقيق الاهداف ومفيش حاجة فيهم بتفهمك اد ايه الناس مهمين في كل حاجة انت بتعملها في حياتك ، فخليني اقولك ، مش مهم ، ارمي كل ده ، لان في القرن الواحد والعشرين لو معرفتش تتعامل مع الناس مش هتعرف تعمل حاجة في حياتك ، سواء اقتنعت او لا ايه رايك لو تجرب بس مجرد انك تجرب تتخيل اي هدف انت عايز تحققه .. واكتشافك انك هتلاقي ناس فيه ، ناس هتعدي عليهم علشان تقنعهم بنفسك وتحقق هدفك او ناس هتكون معاهم لما تحقق هدفك ، المهم في كل الحالات هيكون فيه ناس ، ومهمتك انك تعرف ازاي ممكن تتعامل مع الناس .. فيه علوم كتير ظهرت عن فكرة (التعامل مع الناس) بس الكلام ده بقى قديم ومش مميز واي حد بقى يكتب كتاب في نصائح التعامل معاهم ، انا هنا بجيبلك الناس من وجهة نظر نفسية ، بفهمك نفسك والي بيسري عليك بيسري على الكل ، ولو عرفت نفسيات الناس بتتحرك ازاي وتقنيات التحكم فيها هتقدر تعرف ازاي انت شخصيا تقدر تتعامل مع نفسك ومع الناس ، اقرب الناس ليك او حد حتى اي حد في الشارع بتقابله لأول مرة وممكن متشوفوش تاني ، المهم انك تسيب جواه اثر ولمسة ..

فلو كنت من صغرك بتحلم انك تبقى طيار او مهندس او عالم ذرة او اغنى واحد في العالم ، فمهما كان الحلم بتاعك ، اعرف انك في النهاية بتدور على انك ترضى حد معين مش لازم يكون انت ، بس هتكتشف انك عايز توصل للناس ، لانهم جنتك على الارض ودنيتك الي لو عرفت تعيشها هتقدر تكسبها دنيا واخره ..

الراجل الي فقد شغله ، لانه ببساطة مش عارف يتعامل مع مديره ومش عارف يوصله وجهة نظره او الشخص الي فقد صحابه لانهم مش مقتنعين بيه او البنت الي حبيبها سابها لانها مش قادرة توصله او الشاب الي حبيبته سابته لانها مقتنعتش بشخصيته او العميل الي سابك علشان انت ببساطة مش مقنع كفاية او الابن الي عقرك علشان انت مش اب ناجح او الموظفين الي تحايلوا ضدك علشان انت مدير فاشل ، اين كان موقعك من الاعراب فانت عندك مشاكل في اقناع الناس بنفسك وبكلامك وبوجودك ..

وهنا جات اهمية التنويم الضمني علشان تثبت اهمية الاقناع لكل واحد فينا ، الي عارف وحتى الي مش عارف ، جات عبارة عن تقنيات نفسية كاملة تخليك تقدر تزرع افكارك في عقل الناس الي حواليك بمجرد مابتتكلم ، لمجرد انك موجود ، الاسم بالكامل للتنويم الضمني هو فن الاقناع والتاثير بالتنويم الضمني ، ومعناه انك حرفيا تقدر تخلي اي شخص يقتنع بيك في اي مكان وفي اي وقت وتحت اي ظروف ، وده عن طريق استخدامك لتقنيات نفسية مش هتلاقيها في كتب علم النفس وبتستخدمها تجاه الشخص وهو في حالة الترانس او الغشية علشان تكتشف انه صدق كلامك وبدأ يعمل بيه ، تخيل حياة كاملة كلها اقناع وتاثير على كل واحد جمبك قدامك او وراك ، تخيل حياة مفيهاش مجادلة ، تخيل حياة مفيهاش لأ !

من تقنيات التنويم الضمني تقنية اسمها براعة الفم ، وهي تقنيات مكونة من 17 نمط لغوي لروبرت ديلتز واحد من عباقرة الاقناع الدوليين ، والي كون الانماط اللغوية علشان تخليك تقدر ترد على اي مجادلة او مناقشة او معتقد ممكن يخالفك بأي شكل ، حصلك قبل كده ان حد فحمك وحسيت انك مش عارف تنطق ؟ ده واحد كان بيستخدم نمط او اتنين من ال 17 دول ، مش مهم يكون دارس علشان يخليك مش عارف ترد عليه ، المهم انه فهم ..

وفي النهاية لو انت شايف ان ده من اولوياتك تقدر دايما تعرف اكتر عن التنويم الضمني ، ولو انت شايف ان ده مش وقته فخليني اقولك ، انك لو بدأت حياتك بس لسة متعرفتش على انسب اسلوب تعامل بيه الناس وتفهمهم وتقنعهم بيه بنفسك فنصيحة عيد تقييم حساباتك لان احتمال تكون واقف في مكان غلط .

كنت ناوي اعمل دورة يوم 15/10 الجاي ان شاء الله بس للاسف ارتبطت بدورات تانية في خلال الشهر اولهم كان من يومين ، بس لو تحب تلحق مكانك وتتعرف على العلم الي بينتشر دلوقتي على الانترنت ووسط الناس اسرع من اي علم تاني ، ابعت على arabhd@maktoob.com واكتب في العنوان "حجز مكان بكورس التنويم الضمني " ومعاه رقمك واسمك وهنبعتلك في وقتها ..

نهاد رجب

اول مدرب عربي في تقنيات الاقناع النفسي والتأثير بالتنويم الضمني

http://www.nihadragab.com

الاقناع بكسر الشخصية

الإقناع بكسر الشخصية

كسر الشخصية هي طريقة مستخدمة لهدم شخصية شخص ما او كينونة مجموعة من الاشخاص ..

والطريقة ديه ببساطة بتخليك تقدر تخلي اكثر الاشخاص صعوبة بيقع وبيتكسر قصادك ، حاجة صعبة بس مجرد اني كشفت عنها ده مش معناه اني بدعمها بس ده لاني اكتشفت بعض الناس بيحاولوا يمارسوا نفس الطريقة ديه ضدنا كأشخاص وفي الاخر بنكتشف اننا بنفضل السكوت وده لانهم نجحوا ببساطة انهم يكسرونا ، خلينا استعرض فكرة كسر الشخصية ..

الموضوع بيحصل انك اولا : بتغرق الشخص بالاتهامات .

السيناريو المعروف انك تفصل الشخص وتبدا تديله اتهامات بكسر الحدود وتجاوز المحرمات ، وممكن تبدأ بحاجات بسيطة هو هيوافق عليها بسهولة ، ومنها تنتقل لاتهامات اكبر بتجاوز بعض القيم المهمة والمبادىء وتشوفه بيبدأ يحس بالذنب والعار .

وكل ما يبقى معاك ناس اكتر وانت بتمارس العملية ديه على الشخص كل مايبقى تأثيرها أقوى ...

مثال : أحمد انت من 10 ايام اتصلت بابراهيم وانت عارف انك المفروض تستناه هو الي يكلمك وديه مش اول مرة انت عملت كذا وكذا واشتريت من البقال طماطم (مثلا) ومكنتش كويسة ومفكرتش ترجعها ، وكلمت الشخص الفلاني بطريقة وحشة ومرضتش تصالحه ، انت في حياتك بتغلط ومبترضاش تصلح غلطك وده بيبان عليك لما بتعامل مديرك في الشغل ، الخ ...

من المثال البسيط ده ممكن تلاحظ اننا بدأنا بحاجة عادية بتحصل كل يوم وهو انه اشترى طماطم بايظة ومرجعهاش فخدنا المثل ده وضفنا عليه مثال تاني وتالت لحد ما اتهمنا احمد ان ديه عادة فيه وصفة سلبية في شخصيته واتهمناه بالسلبية بشكل عام ..

ثانيا : استمر لحد ماتلاقيه بينهار وابدأ حسن منه

مع الوقت واستمرارك في اتهام الشخص وتبدأ تشوف اشارات ان الشخص ده نفسه بدأ ينهار ، دورك انك تبدأ تلحقه وتعيدله التوازن من تاني .

وده من خلال انك تظهرله انك سامحته وتقرب منه بحب وعطف وممكن تحضنه او تطبطب عليه حتى ، كل الحاجات البسيطة ديه هياخدها كانها القشة الاخيرة الي هيتمسك بيها علشان يحافظ على ماء وجهه وساعتها هيستقبل منك اي اقتراحات مباشرة هتقدمهاله لانك كنت في مصدر قوة وشاف نفسه وهو بيتدمر تحت ايدك ولما انت اظهرتله العطف والحب واديته امل انك سامحته (مع ان ده مش دورك) هيبدأ يخضعلك ويتبع اوامرك ..

ملحوظة الطريقة ديه ممكن تستخدمها مع الموظفين تحت ادارتك ومش متبعين للاوامر ..

من فضلك متستخدمهاش مع اولادك او زوجتك او زوجك او حد قريب منك .

مثال حي :

استخدامي لنفس التقنية مع شاب عنده 28 سنة مبيصليش ، عرفت عنه 6 معلومات سلبية بيعملها بدات ابنيهم على بعض علشان اوصله فكرة انه (ضعيف وجبان) لحد مابقى قصادي شاب عنيه بتدمع وباصص في الارض ساعتها بس لمست كتفه وقولتله "ألم يأن للذين أمنوا أن تخشع قلوبهم لذكر الله"

عايزك تتخيل معايا قوة الاية في اللحظة ديه بالذات مع الشخص ده ..

نهاد رجب

http://www.nihadragab.com

عايز تغير حد ؟ حبة ! عايز تغير نفسك؟ حب نفسك

عايز تغير حد ؟ حبة! عايز تغير نفسك؟ حب نفسك

كتير بتسأل السؤال ده بحكم تخصصي في الاقناع والتاثير بالتنويم الضمني ، ازاي ممكن اغير حد قريب مني ؟

السر هنا ان كل واحد فينا مهما كان شكله صعب ، مهما كان موقفه او حياته او شكله او طبعه ، هو عايز يتحب ، البيبي لما يعيط بيبقى عايز يتحب ويتشال، ولما حد بيشيله بيسكت وبيهدى تاني ، الحب تأثيره زي السحر ، بندور عليه ولما بنلاقيه بنتلعن كلنا بيه ، بس في خلال الفترة الي بندور عليه فيها لو انا لاقيت حد مستعد انه يحبني هرتبط بيه ، ومش بس كده ، انا مستعد اتخلى عن مبادئي وقيمي علشانه ، واعدل من افكاري والتزاماتي ، بس لانه بيحبني او لانها بتحبني ، نفسيا مش هتفرق مع الشخص اذا كان الطرف الي بيحبه ده افكاره سليمة ولا لا ، مش مهم ومش مشكلة ببساطة لانها لو مش سليمة انا هخليها سليمة بدماغي ..

خليني احكيلك تجربتين ..

لو جيه واحد تعرفه وقالك ، السما النهاردة حمرا ، الطبيعي انك هتتريق عليه ، بس لو لاقيت واحد تاني بيوقفك ومتعرفش عنه حاجة وبيقولك ان السما النهاردة حمرا ، ساعتها بس هتبص فوقيك ، وكل ماتقابل حد ويقولك الجملة ديه هتبص فوق وتشوف اللون الاحمر بيكبر اكتر واكتر لمجرد ان فيه كذا واحد قالك نفس المعلومة ، فانت بتصدق ، لما بتبقى بتحب الشخص الي بتحبه وبيحبك بيبقى بالنسبة لك اكتر من واحد ، بالمصري بيبقى "دنيتك كلها" ، فلو قالك / قالتلك حاجة ، هتكتشف انك هتركز عليها علشان تشوفها وساعتها هتغير (الواقع) بتاعك علشان يتلائم مع واقعه هو ..

ولد شاذ جنسيا ، اتعرف على واحد ما ، الطبيعي ان الشاذ جنسيا كان بيدور على الدعم وعايز حد يصدقه ويحبه ، والشخص الي اتعرف عليه مكنش شاذ جنسيا ، بس دعمه وحبه ، ساعتها الشخص التاني حقق قانونين ، الاول انه حد مش شاذ جنسيا وده معناه انه غريب وده معناه ان الواحد ممكن يصدق الغريب اسرع من اخوه ، والتاني انه حبه ودعمه ، ساعتها الولد بدأ يروح ناحية الشخص التاني الي بدأ ياخده ويقنعه انه يسيب دينه لحد ما الحد !

في الجروبات لو عايز تشد حد لتفكيرك ، ففيه تقنية نفسيه اسمها "قنبلة الحب" او "Love Bomb" وبيها انت بتحبه وبتقبله زي ماهو ، وتبدأ تشده لاتجاهات تفكيرك وساعتها بس الشخص ده هيتشد لاتجاهك اين كان ، وده لانك حبيته، وبطلت انك تعنفه لأسلوبه .

العقل البشري بيستقبل معلومة واحدة ، والمعلومة الي انا صدقتها بالحب ممكن تلغي اي معلومات تانية مشابهه ، فرضا واحد جيه وقالك انا حاسس اني شوفتك قبل كده ، تقوم انت مهزر وتقوله اه احنا اتقابلنا (مع انك عمرك مشوفته) فيقولك انت كنت في مدرسة الابراهيمية مثلا صح ؟ (ويصادف انك تعرف المدرسة فتقوله اه) ويقولك ايوة انت كنت واقف في كذا وكذا واحنا اتكلمنا (وتشتغله وتقوله ايوة بالظبط كان انا) ولأي سبب المحادثة تنتهي والشخص يقتنع تماما انه كان انت ويمشي ويسيبك وبعدها بسنة يقابل واحد والواحد ده يقوله انت فاكرني ؟ انا كنت في الابراهيمية وكنت واقف في كذا وكذا واحنا اتكلمنا (يقصد الموقف الي اتحكالك وانت صدقت عليه) ، عارف الغريبة ايه ؟ الطرف التاني الي كلمك في البداية وافتكر انه هو انت الشخص ده لما يسمع الكلام ده بجد من الشخص الحقيقي ممكن ينهار عصبيا ومش معنا كده انه هيتجنن بس ممكن عقله يعمله نسيان لحظي او ممكن ميصدقش حتى لو الشخص الحقيقي جابله ادلة وممكن بجد يتعب نفسيا لانه مش ممكن يصدق ببساطة لان العقل مينفعش يصدق معلومتين مختلفين في نفس الموقف .

فلو انت عايز تأثيرك يبقى كبير ، دور على ناس عايزة تتحب بجد وعايزة دعم ساعتها هتتحاوط بمجموعة ناس مستعدين يعملولك اي حاجة علشان يرضوك .

وفي النهاية خليني اقولك معلومة مهمة ، الحب بين ولد وبنت ده وهم كنت اتكلمت عنه في مقالة سابقة ، بس هنا خلينا نحللها نفسيا هنكتشف ان كل واحد فيهم عايز حب التاني ليه ، فانا بحب اميرة مثلا مش علشان اميرة كويسة ، لا ده علشان هي بتحبني وهي بتحبني علشان انا بحبها اكتر من سيد مثلا ، فالحقيقة هنا ان ده اسمه حب مشروط بحب وفي النهاية مش حب ، الحب الحقيقي بييجي لما انا واميرة نبقى مرتبطين لان الي بحس بيه سواء صدقت او لا فهو ممكن يروح لاي بنت تانية بتحبني اكتر او شكلها احلى شوية وبتحبني ، اما في الجواز فربنا عز وجل قال وخلقنا لكم من أنفسكم أزواجا لتسكنوا اليها وجعلنا بينكم مودّة و رحمة"

والاية ديه مبدئها ان الموضوع بيبدأ بالسكن اي اننا نبقى في المكان نفسه وبعد كده بينشأ الحب (المودة) ولو محصلش فبتحصل حاجة تانية اسمها (الرحمة) يعني انك متحبيش جوزك بس فيه بينكم رحمة يعني محدش فيكم هيسيب التاني وممكن نسميها العشرة .

فلو انت اب ، حب ولادك وكافئهم بالحب (كبداية) ، ولو انت مسوق (حب العملا بتوعك) ، ولو انتي مدرسة حبي التلاميذ ، حبوا الناس تأثيركم هيكبر ، حب الناس هتقدر تقنعهم بمجرد انك تتكلم ..

ولو انت ولد او بنت وفقدتوا قصة حب ومفتقدين الحب ده ، فساعات حبنا بيبقى تحت رجلينا ، حب نفسك اين كانت وتقبلها زي ماهي وساعتها هتبص حواليك وهتلاقي الدنيا كلها بتحبك ..

محدش يحب اميرة علشان اميرة ديه تبعي ;)

نهاد رجب

اول مدرب عربي في فنون الاقناع والتاُثير بالتنويم الضمني

http://www.nihadragab.com

تأثير الغوض فى الاقناع النفسى

تأثير الغموض فى الاقناع النفسى

واحد كان بيشتغل في شركة أمريكية وخلاص عايز يسيبها علشان يروح شركة تانية ، المفروض

انه بيقول انها احسن وانضف وحتى بيدوا فلوس اكتر ، بس علشان يقدم في الشركة التانية

لازم يعمل انترفيو الاول ولو عمل انترفيو والشركة عرفت فهو مهدد انه يتطرد من الشركة

الاولى ومش ضامن انه يشتغل في التانية وكان كل الناس ضده ولأنه اب فكان دايما في مشاكل

مع مراته واهلها ، ومكنش مني غير اني قولتله

كل واحد فينا لازم يروح للفرصة الأحسن انك تكون عارف ان الي تعرفه احسن من الي متعرفوش ، صح ولا ايه ؟

تخيل لو روحت الشركة وعملت المقابلة ورجعت تاني لاقيت مكانك في شغلك اتاخد وجيت تشوف الشركة التانية لاقيتهم رافضينك فتلاقي نفسك فقدت الوظيفتين ، شوف تاثير ده على اسرتك ومراتك وولادك ، محدش هيدعمك ساعتها علشان كده انت عارف اذا كنت هتروح او هترفض لانك فاهم تأثير ده على حياتك

الجملة الي فاتت كانت كافية انه ميروحش المقابلة بس لو لاحظت هتلاقي الكلام ده عادي جدا ، بس لو انت دارس للتنويم الضمني هتلاقيني مستخدم تقنية الارباك والغاء الوعي وشد الانتباه والاقتراح المباشر وتقنية التايم ديستورشن وفي الاخر في ربط وارباك ، بس الاهم اني مستخدم طريقة جديدة اسمها الغموض

الغموض فكرته ان الي تعرفه احسن من الي متعرفوش ، لو مثلا انت تعرف سوبر ماركت معين بتشتري منه دايما ، وفجأة فتح واحد تاني جمبه جديد ، أول تصرف ليك انك هتحاول تدخل الجديد علشان تكتشفه مش اكتر ، بس لو جيه حد وقالك على فكرة البقال الجديد ده مش مظبوط وشكله بيغش في البضاعة مثلا ، هتروح للي انت تعرفه ، وده لانك عارفه ومتعود عليه ونظرية الغموض بتقول ان الانسان لما بيلاقي قدامه كذا اختيار بيختار دايما الاختيار الشائع او المعروف الى احتمالات نجاحه اكبر الا في بعض الحالات الاستثنائية

فلو الشخص لقى ان اختيار معين احتمالاته افضل من اختيار تاني فالشائع انه هيختار الاول ويسيب التاني ، وعلشان تستخدم ده في الاقناع ، اثبت دايما للناس ان الاختيار الي انت بتقدمه هو اختيار شائع ومعروف واحتمالاته اوسع للنجاح من اي اختيار تاني .

وفي النهاية ديه كانت تقنية نفسية عن تاثير الغموض في الشخص والمحاولة المستمر للاشخاص انهم يتجنبوه وعرضت فكرة بسيطة ازاي ممكن تستخدم عكس الغموض في الاقناع وطبعا انت ممكن تطور طرقك الخاصة بيك ..

وديه كانت تقنية من تقنيات التنويم الضمني والي بتتم تحت الترانس او حالة الغشية في مرحلة اليقظة ، تأثيرها قوي لدرجة انك ممكن تكون من تجارب حياتك عرفت انها حصلتلك انت شخصيا او حصلت لحد تعرفه او ممكن تكون بتحصل معاك طول الوقت .

لمعلومات اكتر عن التنويم الضمني ادخل اللينك ده

http://www.nihadragab.com/?p=146

"الناس لما بتعرف او بتسمع عن تقنيات التنويم الضمني بتحس انه مناسب لحياتها او شغلها بشكل او بأخر ، فيه اساليب ومناهج غير التنويم الضمني بس انت عارف الي تعرفه احسن من الي متعرفوش ;) "

نهاد رجب

اول مدرب عربي في تقنيات الاقناع النفسي والتأثير بالتنويم الضمني

http://www.nihadragab.com

فن الاقناع بالتحفيز

فن الاقناع بالتحفيز

 كنا بنتكلم عادي جدا مجرد اصدقاء مفيش بيننا اي حاجة غير انها بتحكيلي واحكيلها ، وفي وسط كلامنا قالتلي انت عارف ، في واحد عايز يخطبني ، وكل شوية يكلمني وحاولت كتير افهمه اني مينفعش ارتبط بيه لاني مش عايزة ارتبط ومش اي حد ممكن اوافق بيه لاني يانهاد لما هرتبط بحد هختار واحد يانهاد يكون بيفهم دماغه كبيرة ويقدر يشيل مسئولية مش عيل من بتوع اليومين دول الي همهم كله في الشكل والمنظر والشعر ، انا مفتكرش اني هقابل واحد في الدنيا ممكن ينسيني اول شخص حبيته واد ايه كان راجل ومسئول وكان بيحبني ، في وقت ناس كتير اوي فقدت معنى الرجولة .

في اللحظة ديه ، حسيت اني عايز اقولها انا بحبك وعايز ابقى الراجل ده لان انا الراجل ده ، ساعتها ابتسمت ابتسامة عريضة وقررت اكتب النوتة ديه .

خليني قبل مابدأ اقولك ، ان انت كراجل اراهنك انك لو اتعرضت لنفس الموقف هتفكر زيي ، هتميل ناحيتها ، هتشوف نفسك مكان الشخص التاني وتحس ولو بشكل بسيط انك مستعد تخوض التجربة وليه لأ !

مبدئيا انا اتكلمت كتير في تقنيات التنويم الضمني ، فيه ناس قالتلي نهاد متحرقش نفسك ، لانك كده التقنيات هتخلص ومش هتلاقي تاني ! ، وكل مرة كنت بستغرب ، لان التنويم الضمني مبيخلصش ، انا عملت دورتين في التنويم الضمني ، تاني مرة كانت التقنيات الي بتكلم عنها جديدة والتقنيات القديمة كنا بنستخرج منها تقنيات تانية فالموضوع مبيخلصش والتقنيات مش مكتوبة ، التقنيات كتيرة ، علشان كده بجمع الاهم فيهم وبكتبه او لو مميز اوي بتكلم عنه في الدورة الي بعملها .

التقنية الي بتكلم عنها النهاردة اسمها " التحفيز الغير مباشر " او indirect stimulating

والمعادلة بتقول ان كلام غير مباشر + + منافسة = تحفيز

يعني في مرة قولت لطفل مبيذاكرش ، ابن بنت خالي ، كان دايما بيكره المدرسة ومبيحبش يذاكر ، كل الي عملته اني كلمته عن الجهة الي طلبت مني اختار اشطر ولد علشان يسافر اسكندرية ويستقبلوه في مكتبة الاسكندرية في مؤتمر اشطر ولد في مصر ، علشان يكرموه في المكتبة ، واخترت ابراهيم جارنا لانه مؤدب اوي ياعبد الرحمن ، وأمور جدا ماشاء الله ، فهيبقى هناك كويس والناس هتحبه والاهم من كده انه شاطر وبيذاكر . في اللحظة ديه عبد الرحمن قالي اروح انا اروح انا ، قولتله " تعرف ؟ انا ممكن افكر في الموضوع ده بس بدل مكتبة اسكندرية احنا ممكن نروح بقى مكان احسن ونشوف ناس احسن ، المهم انك تجيب درجة عالية علشان تروح"

المنافسة من اعمل عوامل التحفيز الغير مباشر ، تعالى نرجع لأول مثال خالص ، فرضا نتخيل ان البنت ديه كانت عايزة توصل للنتيجة ديه فعلا فالاقتراح بتاعها :

"حبني"

فعلشان تقول الاقتراح مينفعش انها تقولهولي بشكل مباشر ، فقالتلي :

قصة

والقصة فيها اساليب لغوية غير مباشرة وتدفق لغوي واقتباسات صعب اني اشرحها في نوتة بس كانت مؤثرة في حد ذاتها لحد ماستخدمت اهم عنصر وهو :

المنافسة

والمنافسة ظهرت في شكل مقاييسها الي هي : "مش اي راجل ، مسئول ومش عيل"

فالي هيحصل اني هقول انا راجل ومسئول ومقبلش ان حد يقول عليا عيل – مع انها مكلمتش عني انا - وانا علشان ابقى كده فهي لازم توافق عليا ، لانها لو وافقت عليا فده معناه اني راجل ومن الناس الي "مفقدتش معنى الرجولة" . "ساعات الناس بتفكر بشكل بايخ بس متتريقش لانك ببساطة ممكن تفكر زيهم" .

فبسبب القصة والتاثير الغير مباشر المصحوب بمنافسة ، فده حفزني علشان ؟

بالظبط ، بدأت تصحى معايا ، حفزني علشان "احبها" الي هو ايه ؟ الاقتراح المباشر الاساسي .

علشان كده ، ساعات كتير ولاد بيحبوا بنات لمجرد انهم مميزين والمنافسة ان مش اي حد يقدر يوصلهم . والعكس صحيح .

لو قولت مثلا لحد "صعب انك تلاقي حد يساعدك وسط ناس ولاد كلب ميهمهومش غير مصلحتهم ، بس الواد مدحت مثلا لما اتعاملت معاه حسيت اد ايه ده راجل محترم وحبيته جدا لا وابن ناس يامان ، بجد ابن ناس جدا وبقى عزيز عليا اوي .. رايح اطلب منه يساعدني في ( كذا ) لاني مش عارف اعملها لوحدي ."

مش لازم تبقى متخصص علشان تعرف رد فعل الطرف التاني لما يسمع الكلام ده لانه اكيد هيحاول بشكل او باخر انه يعرض مساعدته وياخد محبتك الي هي اساسا متهموش بس اهتم بيها لما انت حطيته في وضع منافسة مع مدحت من خلال كلام غير مباشر .

واختم بقصة ومعلومة ، شيخ سعودي طلب مني موقع علشان اصممه وابرمجه ، قولتله اوكي ، قالي بس انا حاطط ميزانية 1500 ريال ، وطبعا بالنسبة للي طلبه فده اقل من المطلوب بس قولتله "ماشي ياحاج ولا يهمك هعملك موقع ب 1500 ريال" قالي يعني شو ؟ قولتله اصل لما اانا عملت الموقع الفولاني كان تمنه 2500 ريال بسبب ان كان فيه كذا وكذا لان الي كان طلبه كان راجل اعمال مصري ، بس احنا ممكن نستغنى عن الاضافات ديه ونعمل حاجة على ادنا ، قالي لا ما ابغى الا متل ابو 2500 ريال قولتله زي ماتحب ! "

اما المعلومة ، في المجال الاعلاني ، لو بتعمل اعلان عن دورة مثلا او منتج ما ، حط شروط ، يعني مثلا لو بتبيع كتاب قول انك بتعرض كتاب للبيع عنوانه كذا وبيتباع فقط للي بيستوفي فيه الشروط الاتية:

انه يكون اكبر من 20 سنة

انه يكون طول 150 سنتي او اكتر

انه يكون لابس بنطلون

واسمه ميكونش نهاد

تمن الكتاب 100 جنيه فقط

نأسف لعدم رغبتنا للبيع لمن لم يتوفر لديه الشروط وذلك لاسباب ادارية .

الانسان اناني بطبعه فلو عرف ان فيه حاجة مش هيقدر يحصل عليها هيتطلع ليها او لو عرف ان فيه حاجة قربت تخلص هيتمناها لنفسه ، ومن هنا جات فكرة التحفيز الغير مباشر .

وفي النهاية احب اقولك ان التقنيات كتير ومبتخلصش ولو انت مش هتستخدمها فمجرد علمك بيها ده بيخليك تعرف تتحكم في نفسك وتقاوم الاغراءات الي بتشوفها قدامك . واهم جزء في التقنيات انك لما تطبقها بتطبقها في حالة التنويم الضمني والي هيا اساس فن الاقناع والتاثير . ولو عايز تسجل في اقرب دورة تتعرف فيها على تقنيات عالمية في فنون الاقناع والتاثير بالتنويم الضمني ، ابعت رسالة على arabhd@maktoob.com باسمك ورقم تليفونك وعنوان الرسالة "تسجيل بدورة التنويم الضمني"

بس متكونش اقل من 18 سنة وميكونش اسمك "مودي" اسف اسباب ادارية ;)

نهاد رجب

اول مدرب عربي في التنويم الضمني

http://www.nihadragab.com

أبين زين أبين اضرب الودع واشوف البخت أبين زين

أبين زين أبين اضرب الودع واشوف البخت أبين زين

كنت في البداية فاكر ان الموضوع هزار بس اكتشفت انه جد ، كنت فاكر انها بتيجي معايا صدفة بس لما اتكررت قولت انا بعمل حاجة بتوصلني لكده .

من كام يوم جالي ايميل طول عريض عن موت حد انا كنت اعرفه اوي ، وخلاص انا اقتنعت انه مات فعلا لحد مانمت في نفس الليلة شوفته وانا نايم في منام ، فقومت مستغرب وفي دماغي فكرة .

في نفس اليوم الجديد لاقيته داخل اونلاين :

"انت مش مت ولا ديه حلاوة روح ؟ "

"انا **** زميله وهو مات وكده "

"ياراجل ؟"

"اه اقسم بالله انا بس معايا الباسورد بتاعه كنا زي الاخوات والعزا قريب هنعمله في مصر "

"مممم عارف ؟ انا عارف انه مماتش "

امبارح بالليل لاقيته دخل تاني ، سلمت ، قعدنا نتكلم وفي الاخر قالي انه هو نفسه ومحصلوش حاجة بس كان ايميله اتسرق وحد بعت الرسالة ديه فحب يعرف الناس هتعمل ايه !

الي كان مخليني متاكد اوي كده هو المنام الي شوفته ، شوفته بيتكلم ، ساعتها لما قومت من النوم كانت الفكرة الي في بالي ان "مفيش ميت بيتكلم !" . فعرفت انه مماتش .

كنت في المترو النهاردة ، وشوفت اتنين ، واحد وخطيبته ، هو كان سواق بيشتغل على ميكروباص في حلوان في عزبة الوالدة وخطيبته كانت من الشرقية ، جابها من رمسيس وركبوا المترو وراحوا على حلوان ، انا كنت في طريقي لدار السلام ، كان الاتنين رايحين فرح ، المترو كان زحمة وبالصدفة شنطتي خبطت فيها (في خطيبته) – والشنطة ديه انا مبمشيش من غيرها لان فيها حاجة بتخليني متواصل دايما مع المقالات الي بكتبها – فراحت اتوجعت قالي "ايه ياعم ماتفتح" ، قولتله "اسف " قالي "اعمل انا ايه باسف ديه" قولتله "اصرفها او شغلها اجرة" قالي بقولك ايه.." وبدأ صوته يعلى والناس تهدي بيننا ، لحد مقولتله "انا تبع اسامة نادي ومحمد وصابر " ، سكت وابتسامة عريضة اترسمت وقالي مقولتليش ليه وبص لخطيبته وقالها "مانتي برضه واقفة في السكة" وقعدنا نتكلم عن اسامة الله يرحمه وعن صابر لان صابر زميله ، لحد مانزل في دار السلام وكمل هو لحلوان .

طبعا محدش فاهم حاجة ، خليني اقولهالك بطريقة تانية ..

الراجل ده لما دخل مع البنت ، دخلها الاول وزق ضهرها بإيده ، فاكيد هما عارفين بعض ، ولانه لمس كتفها وهي اديته ضهرها لما دخل فاكيد مرتبطين وهي مش اخته بصيت على ايديهم لاقيت دبل في اليمين ، فالارتباط ده خطوبة ، وطبعا لما اتكلموا مكنش فيه شك في كده ، لما شوفت الراجل ، كان لابس الدبلة في ايده اليمين ، ولابس خاتم في البنصر وده مش لانه سني مثلا ، لان الخاتم بتاعه مكنش بفص ، دا كان خاتم مسطح ، ايده كبيرة وجلده كفه باين عليه انه مقشف لما مسك في الحديدة الي فوق في المترو دراعه وكانت دراع واحد بيسوق ده غير ان الالفاظ الي استخدمه وطريقته في الكلام مع خطيبته كانت مصطلحات خاصة ، اما خطيبته الي عرفت انها من الشرقية ده لانها دايما كانت بتستخدم مصطلحات في كلامها معاه زي " انا مش بقول" او "انا سمعت الفيلم الفلاني" (مع ان الفيلم بيتشاف) وحاجات تانية عرفتها لان اغلب اصحابي من الشرقية ، طيب ازاي عرفت انه بيسوق في عزبة الوالدة بالذات ؟ ديه جات معايا صدفة ولما كلمته عن اسامة الله يرحمه واخواته ده لان صابر الي قولت اسمه سواق واكيد عارفه حتى لو مش من هناك ورايحين فرح ده لانه كان ملمع الجزمة وفي بعض الاوساط ممكن تروح مبهدل بس جزمتك لازم تبقى ملمعة اما هيا فكانت شايلة شانطة حريمي على كتفها وفاضية وبتلمع وفي ايديها كانت شايلة الكيس بتاعها.

السؤال الي بيطرح نفسه ؟ تفتكر كان فيه ايه في الشنطة بتاعتي;) ?

فيلم هندي هه ؟ جدا وانا موافقك اوي ، انا نفسي لما بسمع قصص زمان عن الفراسة كنت بستغرب ولما قريت قصة بنت الشيخ الي عرفت مين الي سرق الخروف بتاعها وعرفت سنه وسن والدته وسن والده من شكل خطوات رجليه ، اتصدمت ، معقول شوية حاجات خاصة زي ديه ممكن تتعرف ؟ خليني اقولك انا عملت ايه علشان اوصل للنقطة ديه .

أولا : غمض عينك واربطهم

صدقني انا مش بهزر ، انا تجربتي اني مشيت من حسين حجازي لحد عبد المنعم رياض – يعني تقريبا كيلو - مغمض عيني وورابط قماشية على راسي وفوقيها نضارة سودا وكان الناحية التانية مني واحد صاحبي علشان لو حصل حاجة ، عديت تلات شوارع الساعة 10 وكان فيه عربيات انا مكنتش بطل لان فيه واحد فيهم جات واحدة ست وشدتني بالعافية وعدتني الناحية التانية وخليني اقولك انها كانت اجمل تجربة في الدنيا ، وفادتني بشكل كبير ، لانك بالطريقة ديه بتعود عقلك انه يفتكر ويحفظ ويتخيل ويستنتج ، بس طبعا متحاولش تمشي المسافة ديه من اول مرة ، جرب في البيت انك تربط عينك وتروح المطبخ وتشرب مية وتدخل الحمام (وخد بالك في الحمام بالذات واخد بالك ؟ وادخل البلكونة واعمل تليفون كل ده وانت مغمض وارجع لاول مكان كنت فيه ، وشيل الرباط عن عينك هتحس بمشاعر غريبة جدا انا مش هقدر اوصفها .

ثانيا : خد معلومة واحدة عن كل شخص

يعني ، انت عديت على خمسة ، سلمت عليهم ، عايزك اوك ماتشوف واحد فيهم استخرج منه اي معلومة زي مثلا "قميصه مش مكوي يعني مستعجل او مش بيهتم بنفسه " او "مغسلش وشه او او جزمته ملمعة او دراعه او صوته تخين او اين كان ، المهم انها تكون معلومة واحدة بس وتكون واضحة

المرحلة التانية تبقى معلومتين واحدة واضحة وواحدة تانية استنتجتها من المعلومة الاولى .

المرحلة التالتة : كذا معلومة بس الاهم انك تخرجهم في ثانية او اتنين .

ثالثا : الصلاة

الصلاة بتنضف العقل جدا وبتخليك نقي من جواك وروحاني اوي وتقدر تستنتج بسهولة وكانك بتعرف تقرى افكار الي قدامك

رابعا : كورسات لغة الجسد

فيه كورسات كتير للغة الجسد والتعرف على الشخص من حركات جسمه وهدومه وصوته . شوف الكورسات ديه واتعرف عليها اكتر هتفيدك .

مع التمرين والصلاة والروحانيات هتكتشف انك بدأت تقرب اكتر واكتر من معرفتك لشخصية الفرد الي قدامك بمنتهى السهولة

انا مش عارف اذا كنت اقتنعت بالفراسة وانك تقدر تطورها جواك ولا لسة ، بس مدام وصلت للنقطة ديه فاكيد ده نمى جواك احساس ما انك لو قدرت توصل لمهارة الفراسة هتعرف تعمل حاجات كتير اوي ، ولو انت شايف ان الكلام ده كلام فارغ فانا معاك ان مش سهل ان اي حد يفهم الكلام ده من اول مرة بالذات لو مش عارف يعمله ازاي ، فيه ناس قدرت وفيه ناس تانية بتتعلم ،انا لسة بتعلم ، لو تحب تشاركني اهلا بيك معايا : )

وفي النهاية ، تأتي الرياح بما لا تشتهي السفن ، بنت زي القمر ركبت جمبي وانا جاي من اكتوبر راكب من الحصري كانت ماسكة موبايل عليه صورتها ، انا لسة كنت بسجل حلقة عن الفراسة في قناة اردنية في مدينة الانتاج فقولت استخدمها ، فقولتلها انتي منين طلعت من السودان ، استغربت جدا قولتلها "انتي كسرتي الاسطورة السودانية" كانت بتدرس في جامعة مصر ونازلة ميدان لبنان ، اتكلمنا شوية وكنت مبسوط اوي وانا بتكلم معاها ، فترة صمت انتهت قبل ماننزل بخمس دقايق لما لاقيت حاجة وقعت جمب رجلي ، فسألتها هو انتي وقع منك حاجة قالتلي لا ، قولتلها " ازاي دانا شوفت حاجة بتقع " وطيت اجيبها لاقيتها ورقة مكتوب عليها رقم موبايل ، فقولتلها رقمك ده ؟ بصتلي وهي مبرقة ومصدومة ايوة رقمي ، قولتلها طيب يعني تبقى ورقتك وابتسمت انا ابتسامة تنم عن فراسة مطلقة ، سمعت حد من الي راكبين بيقول "لا حول ولا قوة الا بالله" اديتلها الرقم وفي سري بقول "ايه الغباء ده ، يعني ورقة ومكتوب عليها رقمك هتكون ورقة مين يعني غير هو فيه حد بيكتب رقمه على ورقة هو انتي مش حفظاه " نزلنا من الميكروباص خدت يمين ولاقيتها بتمد ، قولت يخسارة كان نفسي اخد الميل بتاعها بس شكلها كده مكنتش هتوافق ، وكملت طريقي وروحت البيت !!!!

نهاد رجب

مدرب فنون الاقناع والتاثير بالتنويم الضمني

http://www.nihadragab.com

جروب عيشها بدماغك

http://www.facebook.com/group.php?gid=70299372951&ref=ts

خمس طرق للتغلب على ذكرى الحبيب

خمس طرق للتغلب على ذكرى الحبيب

مشاعر جميلة بس بتإذينا لما تكتشف انك لسة بتحب واحد / واحدة بس مفيش فرصة علشان ترجعوا لبعض تاني ، انك تدخل في علاقة لفترة كبيرة وفجأة تكتشف ان الطرف التاني قرر يمشي او ان الحياة اتفرضت عليكم بشكل جديد ولازم تقبل الشكل ده غصب عنك .. ساعتها بتنسى الحب بس بتفتكر العشرة الي بينكم وبتبدأ تتعب لان عقلك مش مستحمل يفكر في حاجتين متناقضتين في نفس الوقت وهما انك تفتكر بمشاعر وحب وتحتاج وفي نفس الوقت ترفض علشان كرامتك او ظروفك او اي سبب تاني .

كتير ناس كانت بتكلمني علشان يلاقوا عندي الحل ناس كانت بتستريح وناس تانية كانت بتحكي علشان برضه تستريح ، كتير الاقي ناس بيطلبوا مني ينسوا الطرف التاني . ودايما كنت بقول ان مفيش حد بينسى ومينفعش اننا ننسى ، بس كل الي نقدر نعمله اننا نفتكر بشكل مختلف . باحاسيس مختلفة وقعها اقل علينا وميزتها انها بتقوينا اكتر وبتسعدنا اكتر وبتريحنا بشكل مختلف .. العقل البشري اتصمم علشان مينساش بس كل الي اقدر اقولهولك اني كنت هناك ، في نفس المكان الي انت فيه انا وغيري كتير اوي وكنت بحكي وبتكلم وبزعل وكان الدنيا خنقاني ولا عارف اكل ولا اشرب ولا اذاكر او اتقدم واتعلم بس كل الي انا عارفه دلوقتي انا الحياة لوز واني لسة فاكر الشخص القديم بس ببتسم لما افتكره وساعات بضحك . لو ده الي انت عايز تحس بيه ، خليني اقولك قصة .

في اليوم الي عرفت فيه ان خلاص الدنيا قررت تقف قصادي وتمنعني عنها ، حسيت ساعتها اني عملت كل حاجة ممكن تتعمل ونمت وصحيت تاني يوم علشان ابدأ اخد حقي من التعب والاكتئاب الي انت عارفهم، معرفتش اعمل اي حاجة في حياتي وكنت بمشي وكان الارض على كتفي والي ضاعف الموضوع ان البنت كانت بتحاول دايما تنرفزني وتوريني نفسها فرحانة ومبسوطة وكإن شىء لم يكن ، والغريب اني حاولت وفكرت وتعبت علشانها بس فجأة جيه قدر ربنا واختار لكل واحد فينا قصة جديدة وقصتنا انتهت بعلامات تعجب من ناحيتي ونقطة كبيييييرة من ناحيتها .

روحت الصيدلية في اليوم ده ، اسمها ماجد ونبيل في سعد زغلول ، وقابلت الدكتور ، صاحبي فدخلت عليه وقولتله انا عايز حاجة للاكتئاب لاني مش عارف اكل او اذاكر وكده ... ابتسم وقالي براحة وبصوت خفيف "مشكلة عاطفية مش كده ؟" ، وشي احمر واتكسفت وقولتله اه "بصوت واطي" – لاقيته انفجر فجأة وقالي (وسط الناس) " سيبهااااااااا دول ولاد *** ميستاهلوش " ، حسيت اني عايز احط اقرب انتي بيوتيك عنده في بوقه ولاقيت الناس وكانها بتبصلي بشفقة و" ياحرااام" ، وقعد يكمل كلامه وحسيت اني عايز اجري ، لحد مالاقيت واحد قاعد في الصيدلية ، شاب بيقولي يبني "نص شباب مصر دخلوا في الحوار ده ، سهلة ، وداويني بالتي كانت هي الداء" وديه هي اول طريقة

أولا : وداويني بالتي كانت هي الداء

مشيت من الصيدلية وانا متنرفز ومخدتش من عنده حاجة وفي دماغي ، ايه التخلف العقلي ده ، وداويني بالتي كانت هي الداء ازاي يعني ، اعرف واحدة علشان انسى التانية واقعد اغني ليه ياقلبي كل يوم تحب واحدة ، مش انا ، دانا المبادىء والقيم ..

براحة علينا ياشيخ ، سواء كنت مقتنع بده او لا ، صدقني عن خبرة ، اول اسهل طريقة علشان تنسى بيها حد هو انك ترتبط بحد جديد .. تعالى اقولك علميا ايه الموضوع ..

بتشرب سجاير ؟ "يارب تكون بتشرب سجاير لان ده اسهل مثال اعرفه" بس فرضا بتشرب سجاير ، كل مرة بتشرب فيها سيجارة العقل البشري بيكون خيط في عقلك بيسموه "الرابط العصبي" بيبقى حاجة دقيقة اوي ، كل مرة بتشرب فيها سيجارة بيقوى الرابط اكتر واكتر لحد مايبقى "مجازا" حبل ، ييجي واحد يقولك انا بقى هبطلها ، عقله هيقوله لا ياحمادة مش هينفع ، انت عودتني على الحبل ده ، هفكرك بيه كل شوية وهطلع عين اهلك الا اذا ...

ايه ؟ انك تديني بديل .

البديل انك توجد عادة جديدة تقفش فيها اول ماتسيب السجاير وكانك بتدي اشارة للعقل انك عايز ديه بدل ديه ، العقل هيفهمك ويبدأ يحط مشاعره في الشىء الجديد وشوية شوية هتكتشف ان الموضوع القديم بيختفي لوحده والحبل بيضعف .

وديه فكرة داويني بالتي كانت هي الداء ، دور على بديل ، ممكن تبقى بنت او شغل او عادة جديدة حتى ، لان الي انت كنت فيه كان تفاعل كيميائي بينتج عنه مشاعر ما ، جيه حد قالك مش هينفع تعملها تاني ، عقلك مش هيفهم ده هو لسة عايز التفاعل الكيميائي لانه اتعود عليه فاول طريقة انك تديله بديل من خلاله يحصل على نفس المشاعر القديمة .

روحت بيتنا ، وانا قرفان من عيشتي ونفسي انها تتكلم وتقولي ان الكلام ده كله محصلش وانها مستعدة ترجعلي تاني ، بس للاسف الكلام ده مبيحصلش الا في الافلام ، وغالبا منعوه ، فتحت الكمبيوتر ولاقيت كل الصور الي كانت بيننا وقعدت اتفرج عليها وانا زعلان ومتضايق ، شوية لاقيت النور اتطفى وطلعلي عفريت ، بيقولي شوبير لوبير ، الماو بين ايديك ، اتخضيت طبعا وقولتله انت ياعم انت قالي انا مخنوق منك ، قولتله ليه ؟ قالي يبني لما تعوز تنسى واحدة ، متتفرجش على صورها وتخنق امي .. احرق كل حاجة ..

الطريقة التانية : اتخلص من اي شىء مشترك

فكرت في بالي ، " احرق كل حاجة ؟ ده عبيط ده ولا ايه ؟؟ " ، المهم انه اختفى ، بس خليني اقولك على سر ، اهم خطوة عندك هي انك حرفيا تتخلص من كل حاجة بتفكرك بيها / بيه حتى لو كانت بسيطة ، وبالتنويم الضمني الفكرة كالاتي ، العقل البشري بيفكر بالصور ، واي حاجة عندك مرتبطة بيه هي عبارة عن صورة حتى لو كانت مسموعة ، عقلك بقى هو ملوش فيه وميعرفش حوار انكوا سبتوا بعض ، هو هيستمر في تقوية الحبل الي بينكم اكتر واكتر ، لمجرد انك بتديله ايحاء بكده ، خد بالك ، هو بيحبك وهيقربك اكتر من الي انت عايزه ، فلو عايز تتغلب على المشاعر ديه وحس انك جاد هيلغيها ولو حس انك لسة عايزها هيديك امل ، وهيبدأ يعيشك وهم جديد منه انت هتتعب اكتر واكتر ، فالطريقة التانية والغريبة انك تجمع كل حاجة كل ورقة مكتوب عليها بحبك وقلب وحركات سبيس تون ديه وتحرقها حرفيا شوفها وهيا بتتحرق قصادك ، ماتبلطجش وتقول انا هحتفظ بصورتها ، صدقني ولا ليها لازمة وشوية شوية هتوصل للي انا فيه وتحس انك كنت بتحب في قرد ، ارمي كل حاجة ، مجرد انك تشوف الحاجة بتتحرق قصاد عينك ده اقتراح مباشر لعقلك انك عايزه يحرق الملفات المرتبطة بيها من دماغك . وكمان هيقلل من نسبة تذكرك للشخص ده من وقت للتاني .

شوية وانا قاعد بعد العفريت ما مشي ، وحصلت مشكلة ، ياترى انا هحضن مين دلوقتي ، أوباااااا ، سوري لو انا ابيح شوية ، بس خد بالك معايا ، العلاقات الي صعب بجد انك تنساها هو الي دخل فيها قلة ادب وعلشان تنساها حاول تشوف حلمة ودنك

الطريقة التالتة : شوف حلمة ودنك

انا مش بهرج على فكرة ، فعلا صعب جدا انك تنسى بنت او ولد حصل بينكم تلاقي عاطفي ما حتى لو بسيط ، وانت فاهمني يابرنس ، بس انت الي جبته لنفسك على الاقل اتعلمت منه انك متعملش كده تاني بس خليني اقولك ان عقلك عليه ضغط دلوقتي ، الشهوة والمشاعر ، هتقولي لا لا انا معنديش شهوة ؟ هقولك لا حبك اساسا حب شهوة مش اكتر ، عقلك بدل مايعمل حبل واحد بقى فيه حبلين ، وكل انسان عنده شهوة انت كنت بتخرجها بالطريقة ديه ، فلو حصل ان العلاقة انتهت هتتعب اكتر ، لان الشهوة اقوى من الحب حتى لو كنتوا روميو وجوليت ، ومع ذلك عندك حلين ، أولهم انك تصلي وتتوب ، لانك بصلاتك انت بتدعي ربنا يثبتك ويهديك وبصلاتك انت كانك بتهيىء نفسك انك تتخلص من الافكار الي بتخليك تفتكر جسمها او شهوتك ، والصيام والصلاة والروحانيات هما اكتر الحاجات الي ممكن تخليك تتخلص من الشهوة ، اما الحل التاني ، فهي انك تحب نفسك ، ببساطة لو عايز تتغير حب نفسك ، واثبت مكانك ، انا مقصدش انك تبوس نفسك في المراية ، لا ، حب نفسك يعني حط في دماغك فكرة وكررها "انا اهم عند نفسي من اي حد تاني انا مش مهم عنده " وبالشيعبي "الي ميحطكش كحل في عينه متحطوش نعل في جزمتك" ، حب نفسك ، هتلاقي نفسك لوحدك بدات تختار لنفسك اختيارات افضل لانك لو ام بتحب ابنها هتختارله الاجمل في الدنيا وصدقني فيه دايما احسن سواء شوفته او لسة هو موجود بس اسمح لنفسك انك تلاقيه وهتشوفه قدامك . حب نفسك هتلبس كويس ، حب نفسك هتاكل اكل نضيف ، حب نفسك هترتبط باجمل بنت / ولد في الدنيا ، حب نفسك شهوتك مش هتروح لاي حد الا في وقتها وللشخص المناسب.

بعد شوية قولت مفيش غير اني اروح انام بقى ، نمت حلمت بيها وانا شايل سيف ولوني اسود واسمي عنترة واسمها عبلة ، وبقولها :

ولقد ذكرتك والرماح نواهل مني وبيض الهند تقطر من دمي .. ياعبلتي محبوبتي نفسي انسى اهلك خنقتيني

لاقيت ابوها جاي بيقولي يابني انت لو عايز تنساها قولها بشكل تاني ..

الطريقة الرابعة : قولها بشكل تاني

صحيت من النوم على وش ابوها ، ناقصك انا ، وبفكر اقولها بشكل تاني ازاي يعني وهنا خليني اقولكم على فكرة بمليون جنيه ..

اتكلم عنها كتير ، شوفت ياعم انا بريحك ازاي ؟ اتكلم عنها زي ماتحب ، وقول فيها قصص ، بس جرد كلامك من المشاعر وهتكتشف شعور غريب جدا ..

العقل البشري بيتأثر بالكلام ، لانه بيحوله لصور وعلى اساسه بيتصرف ، فلو انا قولتلك ان "الواد مات" غير لما اقولك "ان الطفل الرضيع اتحرق وبقى رماد" ، او لما اقولك ان "مقتل 5 عناصر فلسطينية" غير لما اقولك "مقتل طفلين وتلات عواجيز" ، الاولى بتخلى العقل يتعود ويحس ان الكلام عنها عادي وانها شخصية عادية في حياتك حتى لو بتتكلم عن موقف رومانسي الاهم انك تفصل عن كلامك المشاعر ..

لما فرضا بتتكلم عنها بدل ماتقول انا كنت بحب بنت، قول "انا كنت مرتبط بواحدة"

احساس مختلف تماما، لما تقول البنت كانت زي القمر غير لما تقول "اها كانت حلوة" او "اه وشها كان مقبول" انت بتقول نفس المعلومة بس بطريقة مختلفة في الكلام هتلاقي من خلالها انك مع الوقت عقلك هيبعدها عن تفكيرك لان عقلك بيقفش في الحاجات الي ليها تأثير وبيكبرها جواك ، والمرحلة الاكبر في الطريقة ديه انك تحكي حاجة عنك ومرتبطة بيها تكون حزينة جدا بس بكلام مجرد من المشاعر من غير ماتنقل لحد اي احاسيس ..

يعني مثلا ، لو انت بتحبها اوي ومش قادر تنساها :

بدل ماتقول : اانا بحلم بيها وبشوفها كل يوم مش قادر انساها صورتها في عيني وبحبها وقلبي لما يسمع اسمها بيدق وبحس كان الدنيا كلها بتظلمني وبموت لما اعرف اني مش هترجعلي في حضني تاني"

قول : اها واحدة كنت مرتبط بيها ، بتيجي على بالي وقلبي بيرمرم وعنده مشاكل معاها ، اسمها عام شوية فكل ماهرش اسمعه ، ساعات بتوهم ان الدنيا كلها ضدي وبتضايق لما اعرف انها مش هترجع هنا تاني"

فرق بشع ، بس تأثيره قوي جدا مع انك بتذكرها بس عقلك عنده مهمة جديدة وهي انه يعدل الحبل الي بناه ليها او ليه ويبدأ يضعفه ويخليه على مستوى كلامك عنها ..

الجزء التاني من قولها بشكل تاني ، هو شوفها بشكل تاني ، تعالى نلعب لعبة وتفسيرها هياخد وقت بس انت لو دورت هتعرف تفسيرها نفسيا لوحدك ..

غمض عينك ، وفكر فيها ، استنى ، غيرها ، عقلك ميعرفش الفرق بين الحقيقة والخيال ومستعد انه يلعب معاك لعبة جديدة ، غير الصورة وحطلها ملامح مختلفة ، خليها تخيييييينة اوي ، وشوفها ، افتح عينك ، غمض عينك تاني وشوفها تخينة ، كرر العملية كذا مرة وكل مرة حطلها تفاصيل مختلفة ، يعني كبر ودانها ، مناخيرها او مناخيره ، حطيله مكياج ، حطلها احمر وروج ، بهدليه وبهدلها ، غمض وفتح وشوف تاني وتالت ، هتضحك ، كرر العملية ديه 10 او 15 مرة حتى ، وكل مرة ضيف حاجة هبلة ، لبسيه شورت واعمليله رجل معيز ، لابسها طربوش وتخنها وركبلها شنب وشوفها بتجري عليك وبتقولك بحببببببببك والارض بتتهز وانت عمال تضحك، وفتح وغمض تاني وهكذا ، لو عملت كل يوم الموضوع ده لمدة 5 دقايق هتكتشف انك كل مرة تشوفها هتضحك او كل مرة هتفتكرها هتضحك حتى لو مفتكرتش من الشكل بس عقلك هيديك ايحاء ان الموضوع عادي .

ولما صحيت من النوم وقومت فطرت قولت اقعد مع جدي الي قالي حكمة اخيرة وقالي اعمل كل الطرق ديه وابني نفسك واشترك ..

الطريقة الخامسة : اتعلم منها وابني نفسك واشترك

في النهاية احب اقولك ان ديه كانت اهم طريقة بالنسبة لي ، أحب نفسي واشترك ، فيه واحد اعمى او معاق مشلول مثلا ، بالنسبة لك هو صعبان عليك ، بس بالنسبة لنفسه هو عايش حياته وده انسب حاجة ليه ، لان باعاقته هو بيشترك في مسابقات وبيحصل على حاجات انت متقدرش تعملها وانت بتمشي على رجليك ، فاين كانت التجربة ، او اين كان الي انت فيه اعرف دايما انك ممكن تستخدمه لصالحك علشان تبني وتكمل وتتعلم وتحول طاقته السلبية لطاقة ايجابية تحفزك علشان تعمل حاجات جديدة مهمة في حياتك . ديه فرصة ليك ، انت بتتواصل مع عقلك وجسمك وعندك مشاعر قوية والعقل زي ماقولتلك مبيفرقش وميعرفش ، ذاكر وانجح ، النجاح احسن طريقة للرد ، خد الطاقة ديه وحطها في حاجة تانية ، صدقني مفعولها كالسحر ، اما بالنسبة لاشترك فده معناه انك تنزل تشوف ناس ، شوف الشارع شوف اشكال جديدة ، روح النادي ولو زي حالاتي فروح ندوات ومسرحيات وجوامع اسمع دروس واتعلم من عزة الرجال في زمن الشهادة ، هتكتشف انك مبسوط اوي لانها سابتك ياريتها تسيبك كل يوم علشان تكتشف نفسك

ودلوقتي الحمد لله بعد ماطبقت الطرق ديه ، حياتي اتغيرت 180 درجة ، انا مكنتش هكتب كلمة في المقالة ديه الا لو كنت فعلا عملت حاجة في حياتي ، والحمد لله انا بجهز لشركتي وبجهز اوراقها ومعتمد من وانا عندي 18 سنة في التنويم الايحائي ومعايا شهادات من اكبر المدربين في مصر وامريكا وروسيا ، واول مدرب عربي في فنون الاقناع والتاثير بالتنويم الضمني وعندي 23 سنة واحب اقولك ان لولا انها عملت كده وبشدة ، مكنتش هعرف اعمل حاجة وكان زماني دلوقتي لسة بحلم والي مبيموتكش اعرف انه لازم هيقويك، حقق انت كمان حلمك وغمض عينك واشكرها ، او اشكريه لانه كان سبب في الي حصلك من خير او الي لسة هيحصل في المستقبل ان شاء الله :)

كان معاكم نهاد رجب

مدرب فن الاقناع والتاثير بالتنويم الضمني

للاشتراك في جروب عيشها بدماغك

http://www.facebook.com/group.php?gid=70299372951&ref=ts

موقعي الرسمي

http://www.nihadragab.com