سيفون
واحد صاحبي بدون ذكر اسمه (علشان انا عامله تاج) بيخاف من الكلاب ..
بكل انواعهم ، مع انه بيحاول يخبي ده بس هو فعلا بيخاف منهم ، يسمع صوت كلب
تلاقيه اتنفض ، لحد في مرة ماقولتله اوكي ازاي تخاف من الكلاب ، ده القطط الكلاب
بتخاف منهم ، صح ؟ عايز تفهمني ان القطط اجدع منك ؟ الولد بنى في دماغه
صورة ذهنية استريحلها ان فعلا الكلاب بتخاف من القطط والقطط بتخاف مني وده معناه
ان الكلاب بتخاف مني ، فقال بس اانا هجرب ، وهو ماشي شاف كلب ضخم جاي ناحيته
وكل الي في دماغ صاحبنا ان القطط بتخاف من الكلاب ، هاهاهاها قال بيخوفني قال وكمل
مشي ، والكلب جاي وبيسرع اكتر واكتر وصاحبنا مصر ان الكلاب بتخاف من القطط
والكلب بيجري وبيهوهو وجايله وصاحبنا ماشي وبدأ يقلق شوية وطلعت من تحت عربية في
الشارع قطة كانت في نص المسافة بين الكلب الي بيجري وصاحبنا ، القطة شافت الكلب
بيجري وصاحبنا مراقبها راحت نيااااااااااااااااو وطلعت تجري واستخبت واول ماشاف المنظر ده
راح جري وعلى لسانه "نهاااااااااد القطة بتجري القطة بتجريييييييي " واكتشف ان مش كل
القطط بتخاف من الكلاب ، بس فكنت لازم اغير اسلوبي ، وكان لازم اشدله السيفون ..
كل واحد مننا مر بتجارب خليته الشخصية ال هو عايشها ، ممكن يكون شاف منظر وهو صغير خلاه
يخاف من الكلاب لما يكبر او وقع في موقف خلى شخصيته ضعيفة او حصله حدث اداله معناه اثر
المعنى في شخصيته بعد كده ، وعمله مشكلة ممكن تعيش معاه عمره كله ، وده بيحصل لينا كلنا
واسمها البرمجة السابقة وبدون الخوض في اسماء تقنية ، خليني اقولك ان اغلب مشاكلنا هي عبارة عن سوء تفسير
لتجارب احنا مرينا بيها ، وعلشان نتخلص من تاثيرها ، لازم اننا نشد السيفون .. وده من خلال
اننا نتعرض لنفس الموقف تاني وده بيسميه علماء النفس "العلاج بالاعراض" يعني يجيبوا واحد عنده فوبيا مرتفعات مثلا يقوموا حاطينه فوق قمة عمارة من 13 دور لحد مايتعود على الموقف ساعتها خوفه بيتلغي لانه اتعرض لمشاعر رهيبة ، فلو اتعرض لمشاعر اقل منها مش هتفرق معاه التجربة كلها . بالظبط زي دكتور ملتون اريكسون ماكان بيعمل مع مرضاه لما جاتله حالة ست كبيرة وعندها اكتئاب ومش قادرة تقوم من عالسرير وكانوا عايزينه يعالجها ، الراجل جيه حط قش تحت السرير وولع فيه ، مفيش ثواني كانت الست طايرة من الجري ، بجسمها ده ، عارف ليه ؟ لانها اتحطت في حالة اقوى من اي حالة تانية فكان لازم تدور على الخلاص ال salvation وكان لازم تلاقيه ، الحالة التانية هي حالة البقاء وهي اقوى من الاكتئاب فعلشان تدافع عن بقائها جريت ونسيت اكتئابها فمقدرش ترجع للحالة الاولى من تاني .. ومن الحياة ، لما تروح تتعلم العوم ، المدرب بيبقى لطيف معاك جدا واول حاجة بيعملها علشان يعلمك العوم هو انه يرميك في حمام السباحة ويقولك طلع نفسك ساعتها لو متعرفش تعوم صدقني هتعرف ، ببساطة لانك عايز تعيش فعلشان تعيش لازم انك تتخلص من اي افكار بتقولك انك مينفعش تعوم ، لا... ينفع وتقوم مجرب تحرك ايدك ورجلك ووشك وافاك وتعمل كل حاجة لانك مصر اصرار رهيب انك تعيش ، وفعلا بتلاقي نفسك خرجت ، اغلب الي بيخرجوا بيمسكوا المدرب يضربوه بس لو مكنش عمل كده كنت هتاخد وقت علشان يعلمك ، ببساطة انت شديت السيفون رميت كل الافكار الي بتوقفك مكانك وطالبت نفسك انك تعيش والجسم ووالعقل استجاب واشتغلوا سوا وقدرت تعدي ، وبنت كانت دايما بتقولي
انها عندها كسل بشع مش قادرة تتخلص منه ، قولتلها شدي السيفون ، ازاي؟ قولتلها لما تحسي انك كسلانة تعملي حاجة ، اعمليها بس كده ، قالتلي ياسلام ، مانا كسلانة اني اعملها قولتلها مانتي لو عملتيها كذا مرة وعودتي نفسك انك تعملي الحاجات الي انتي كسلانة تعمليها ساعتها الكسل هيختفي ، لانك هتبقى اقوى منه ، واتنقلي عن دكتور يحيي الرخاوي ان واحد جاله علشان عنده ارق ومش قادر ينام ودكتور يحيي من الدكاترة النفسيين العباقرة في مصر ، ببساطة قاله اوكي انا هكتبلك روشته امشي عليها ، كتبله فيها "ممنوع النوم" اداها للمريض ، التاني استغرب ومشي يعني انا كنت فاكرك هتديني دوا لكن انت بتهزر معايا ؟ طيب يادكتور ماشي هروح ، وفعلا الراجل بدا يطبق الروشته تالت يوم راحله قاله يادكتور انا مش قادر اطببق الروشتة ؟ ليه ؟ قاله اصلي تاني يوم مقدرتش روحت نمت وكنت كل ماحاول انام امنع نفسي بس نمت فمفيش دوا اقدر اخده يشيل الارق ده ؟ الدكتور ساله ، اخر مرة جالك امتى ؟ قاله من تلات ايام ، رد عليه دكتور يحيي
انت مش محتاج ادوية ، انت اتعالجت فعلا ..
طيب ازاي نقدر نطبق ده في حياتنا ، حاجتين مهمين جدا ،
اولهم اننا نربط التغيير بعاطفة قوية جدا ، ونتخيل ونتصور ذهنيا لو متغيرناش ممكن يحصل ايه ونربط التغيير بالبقاء ، ونربط الافكار السلبية بالموت والضياع والالم والتعذيب ، ساعتها لما تلاقي نفسك بتعيط وعايز انك تتغير ، التغيير هيبقى اسهل ، نيتشه قال ان 80% لماذا و 20 كيف يعني لو عرفت انت ليه عايز تتغير ساعتها ازاي ديه هتبقى سهلة جدا ، فاول حاجة انك تصر وتستعد انك تتغير ..
وهنا بيحضرني قصة وانا صغير كنت رايح ازور خالي الله يرحمه في المستشفى ، واحنا هناك دخلنا انا وامي والدكتور من عنبر مرضى الصدر فلايت مناظر صعبة جدا تقريبا مفيش مريض عيان كلهم ماتوا .. ولاقيت ولاد ادي بيعيطوا علشان ابوهم مات فشديت بنطلون الدكتور وقولتله هو فيه ايه؟ كان عندي ساعتها 5 او 4 ، وهنا الدكتور راح شايلني ووراني راجل ميت والناس حواليه وقالي انت عارف ليه بيعيطوا ؟ قولتله علشان مات قالي عارف ليه مات ؟ قولتله لا ليه ؟ قالي علشان كان بيشرب سجاير ... هتشرب سجاير ؟ قولتله لا . ولحد دلوقتي مفكرتش لحظة اني اجربها ، بسبب اني اتعرضت لموقف صعب اوي ومشاعر قوية جواها خدت قرار لاواعي من طفل صغير من خلاله اثرت على اتجاه حياتي لما اكبر ...
تاني حاجة انك تتميز ، بمعنى ، كلنا عايزين ننجح ، اوكي ، بس مين عايز يتميز ؟ لو عايز تنجح لازم تدور على طريقة تتميز بيها في نجاحك ، مهما كانت الطريقة ديه..
لانك لو نجحت الناس ممكن يقولوا اوكي نجح زي اي حد لكن لو تميزت في نجاحك الناس عمرهم ماهينسوك ، ولو فشلت الناس هيقولوا فشل زي اي حد اما لو تميزت وفشلت الناس هيقولوا عمل الي عليه وزيادة . علشان تقدر تنجح لازم تتميز في الي انت عايز تنجح فيه وانا في الاكاديمية (المقطم للعلوم الحديثة) كنت دايما بجيب امتيازات في قسم انجليزي وكان الدنيا كلها مستغربة ، ليه ده بيحصل؟ ابويا عودني من وانا صغير اني لو دخلت مجال لازم اتميز فيه ، وفي الاكاديمية انا بعترف اني مكنتش بذاكر اساسا بس كنت بعمل حاجة لطيفة اوي ، اني
اعرف معلومات مش معروفة عن المادة الي همتحن فيها ، حاجات مخدنهاش وابدا اتكلم عنها ، فممكن يجيلي سؤال في الامتحان مرتبط بالمنهج معرفش حله فابدا اكتب سؤال تاني اصعب ومميز جدا واعمل اجابة ممكن اخد عليها دكتوراه ، وفعلا باخد الدرجة كاملة ، لاني تميزت اما لو حليت الحل الكامل هاخد زيي زي غيري .. فعلشان كده لو عايز تنجح دور الاول مش على اسباب النجاح دور على اسباب التميز في النجاح ده وبعد كده دور على النجاح نفسه ، هتلاقيه اسهل بكتير ..
وبكده هتقدر من خلال الطريقتين دول انك تشد السيفون وتتخلص من اي افكار سلبية من الماضي لسة جواك ومحتاجة تخرج ، ابدا من دلوقتي ودور على التميز النجاح هيجيلك لحد عندك .. انا اول مافكرت في الانترنت فكرت اني ابقى مصمم مواقع مش اعمل شات واكلم بنات ، وفعلا دلوقتي عندي شركة وشغال تحت ايدي ناس ، ولما فكرت في التنويم الايحائي خدت دورة والفت كتاب وانا عندي 19 سنة ودلوقتي سجلت مجموعة صوتية للتنويم الايحائي ، انت كمان لازم تتميز .. ولازم تدور على خلاصك ، بس خليك مصر وهتخرج من اي اطار انت عايش فيه
وافتكر دايما " وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِبُ "
نهاد رجب
مدرب تنمية بشرية
مؤسس الشبكة العربية للتنمية البشرية
http://www.nihadragab.com
بكل انواعهم ، مع انه بيحاول يخبي ده بس هو فعلا بيخاف منهم ، يسمع صوت كلب
تلاقيه اتنفض ، لحد في مرة ماقولتله اوكي ازاي تخاف من الكلاب ، ده القطط الكلاب
بتخاف منهم ، صح ؟ عايز تفهمني ان القطط اجدع منك ؟ الولد بنى في دماغه
صورة ذهنية استريحلها ان فعلا الكلاب بتخاف من القطط والقطط بتخاف مني وده معناه
ان الكلاب بتخاف مني ، فقال بس اانا هجرب ، وهو ماشي شاف كلب ضخم جاي ناحيته
وكل الي في دماغ صاحبنا ان القطط بتخاف من الكلاب ، هاهاهاها قال بيخوفني قال وكمل
مشي ، والكلب جاي وبيسرع اكتر واكتر وصاحبنا مصر ان الكلاب بتخاف من القطط
والكلب بيجري وبيهوهو وجايله وصاحبنا ماشي وبدأ يقلق شوية وطلعت من تحت عربية في
الشارع قطة كانت في نص المسافة بين الكلب الي بيجري وصاحبنا ، القطة شافت الكلب
بيجري وصاحبنا مراقبها راحت نيااااااااااااااااو وطلعت تجري واستخبت واول ماشاف المنظر ده
راح جري وعلى لسانه "نهاااااااااد القطة بتجري القطة بتجريييييييي " واكتشف ان مش كل
القطط بتخاف من الكلاب ، بس فكنت لازم اغير اسلوبي ، وكان لازم اشدله السيفون ..
كل واحد مننا مر بتجارب خليته الشخصية ال هو عايشها ، ممكن يكون شاف منظر وهو صغير خلاه
يخاف من الكلاب لما يكبر او وقع في موقف خلى شخصيته ضعيفة او حصله حدث اداله معناه اثر
المعنى في شخصيته بعد كده ، وعمله مشكلة ممكن تعيش معاه عمره كله ، وده بيحصل لينا كلنا
واسمها البرمجة السابقة وبدون الخوض في اسماء تقنية ، خليني اقولك ان اغلب مشاكلنا هي عبارة عن سوء تفسير
لتجارب احنا مرينا بيها ، وعلشان نتخلص من تاثيرها ، لازم اننا نشد السيفون .. وده من خلال
اننا نتعرض لنفس الموقف تاني وده بيسميه علماء النفس "العلاج بالاعراض" يعني يجيبوا واحد عنده فوبيا مرتفعات مثلا يقوموا حاطينه فوق قمة عمارة من 13 دور لحد مايتعود على الموقف ساعتها خوفه بيتلغي لانه اتعرض لمشاعر رهيبة ، فلو اتعرض لمشاعر اقل منها مش هتفرق معاه التجربة كلها . بالظبط زي دكتور ملتون اريكسون ماكان بيعمل مع مرضاه لما جاتله حالة ست كبيرة وعندها اكتئاب ومش قادرة تقوم من عالسرير وكانوا عايزينه يعالجها ، الراجل جيه حط قش تحت السرير وولع فيه ، مفيش ثواني كانت الست طايرة من الجري ، بجسمها ده ، عارف ليه ؟ لانها اتحطت في حالة اقوى من اي حالة تانية فكان لازم تدور على الخلاص ال salvation وكان لازم تلاقيه ، الحالة التانية هي حالة البقاء وهي اقوى من الاكتئاب فعلشان تدافع عن بقائها جريت ونسيت اكتئابها فمقدرش ترجع للحالة الاولى من تاني .. ومن الحياة ، لما تروح تتعلم العوم ، المدرب بيبقى لطيف معاك جدا واول حاجة بيعملها علشان يعلمك العوم هو انه يرميك في حمام السباحة ويقولك طلع نفسك ساعتها لو متعرفش تعوم صدقني هتعرف ، ببساطة لانك عايز تعيش فعلشان تعيش لازم انك تتخلص من اي افكار بتقولك انك مينفعش تعوم ، لا... ينفع وتقوم مجرب تحرك ايدك ورجلك ووشك وافاك وتعمل كل حاجة لانك مصر اصرار رهيب انك تعيش ، وفعلا بتلاقي نفسك خرجت ، اغلب الي بيخرجوا بيمسكوا المدرب يضربوه بس لو مكنش عمل كده كنت هتاخد وقت علشان يعلمك ، ببساطة انت شديت السيفون رميت كل الافكار الي بتوقفك مكانك وطالبت نفسك انك تعيش والجسم ووالعقل استجاب واشتغلوا سوا وقدرت تعدي ، وبنت كانت دايما بتقولي
انها عندها كسل بشع مش قادرة تتخلص منه ، قولتلها شدي السيفون ، ازاي؟ قولتلها لما تحسي انك كسلانة تعملي حاجة ، اعمليها بس كده ، قالتلي ياسلام ، مانا كسلانة اني اعملها قولتلها مانتي لو عملتيها كذا مرة وعودتي نفسك انك تعملي الحاجات الي انتي كسلانة تعمليها ساعتها الكسل هيختفي ، لانك هتبقى اقوى منه ، واتنقلي عن دكتور يحيي الرخاوي ان واحد جاله علشان عنده ارق ومش قادر ينام ودكتور يحيي من الدكاترة النفسيين العباقرة في مصر ، ببساطة قاله اوكي انا هكتبلك روشته امشي عليها ، كتبله فيها "ممنوع النوم" اداها للمريض ، التاني استغرب ومشي يعني انا كنت فاكرك هتديني دوا لكن انت بتهزر معايا ؟ طيب يادكتور ماشي هروح ، وفعلا الراجل بدا يطبق الروشته تالت يوم راحله قاله يادكتور انا مش قادر اطببق الروشتة ؟ ليه ؟ قاله اصلي تاني يوم مقدرتش روحت نمت وكنت كل ماحاول انام امنع نفسي بس نمت فمفيش دوا اقدر اخده يشيل الارق ده ؟ الدكتور ساله ، اخر مرة جالك امتى ؟ قاله من تلات ايام ، رد عليه دكتور يحيي
انت مش محتاج ادوية ، انت اتعالجت فعلا ..
طيب ازاي نقدر نطبق ده في حياتنا ، حاجتين مهمين جدا ،
اولهم اننا نربط التغيير بعاطفة قوية جدا ، ونتخيل ونتصور ذهنيا لو متغيرناش ممكن يحصل ايه ونربط التغيير بالبقاء ، ونربط الافكار السلبية بالموت والضياع والالم والتعذيب ، ساعتها لما تلاقي نفسك بتعيط وعايز انك تتغير ، التغيير هيبقى اسهل ، نيتشه قال ان 80% لماذا و 20 كيف يعني لو عرفت انت ليه عايز تتغير ساعتها ازاي ديه هتبقى سهلة جدا ، فاول حاجة انك تصر وتستعد انك تتغير ..
وهنا بيحضرني قصة وانا صغير كنت رايح ازور خالي الله يرحمه في المستشفى ، واحنا هناك دخلنا انا وامي والدكتور من عنبر مرضى الصدر فلايت مناظر صعبة جدا تقريبا مفيش مريض عيان كلهم ماتوا .. ولاقيت ولاد ادي بيعيطوا علشان ابوهم مات فشديت بنطلون الدكتور وقولتله هو فيه ايه؟ كان عندي ساعتها 5 او 4 ، وهنا الدكتور راح شايلني ووراني راجل ميت والناس حواليه وقالي انت عارف ليه بيعيطوا ؟ قولتله علشان مات قالي عارف ليه مات ؟ قولتله لا ليه ؟ قالي علشان كان بيشرب سجاير ... هتشرب سجاير ؟ قولتله لا . ولحد دلوقتي مفكرتش لحظة اني اجربها ، بسبب اني اتعرضت لموقف صعب اوي ومشاعر قوية جواها خدت قرار لاواعي من طفل صغير من خلاله اثرت على اتجاه حياتي لما اكبر ...
تاني حاجة انك تتميز ، بمعنى ، كلنا عايزين ننجح ، اوكي ، بس مين عايز يتميز ؟ لو عايز تنجح لازم تدور على طريقة تتميز بيها في نجاحك ، مهما كانت الطريقة ديه..
لانك لو نجحت الناس ممكن يقولوا اوكي نجح زي اي حد لكن لو تميزت في نجاحك الناس عمرهم ماهينسوك ، ولو فشلت الناس هيقولوا فشل زي اي حد اما لو تميزت وفشلت الناس هيقولوا عمل الي عليه وزيادة . علشان تقدر تنجح لازم تتميز في الي انت عايز تنجح فيه وانا في الاكاديمية (المقطم للعلوم الحديثة) كنت دايما بجيب امتيازات في قسم انجليزي وكان الدنيا كلها مستغربة ، ليه ده بيحصل؟ ابويا عودني من وانا صغير اني لو دخلت مجال لازم اتميز فيه ، وفي الاكاديمية انا بعترف اني مكنتش بذاكر اساسا بس كنت بعمل حاجة لطيفة اوي ، اني
اعرف معلومات مش معروفة عن المادة الي همتحن فيها ، حاجات مخدنهاش وابدا اتكلم عنها ، فممكن يجيلي سؤال في الامتحان مرتبط بالمنهج معرفش حله فابدا اكتب سؤال تاني اصعب ومميز جدا واعمل اجابة ممكن اخد عليها دكتوراه ، وفعلا باخد الدرجة كاملة ، لاني تميزت اما لو حليت الحل الكامل هاخد زيي زي غيري .. فعلشان كده لو عايز تنجح دور الاول مش على اسباب النجاح دور على اسباب التميز في النجاح ده وبعد كده دور على النجاح نفسه ، هتلاقيه اسهل بكتير ..
وبكده هتقدر من خلال الطريقتين دول انك تشد السيفون وتتخلص من اي افكار سلبية من الماضي لسة جواك ومحتاجة تخرج ، ابدا من دلوقتي ودور على التميز النجاح هيجيلك لحد عندك .. انا اول مافكرت في الانترنت فكرت اني ابقى مصمم مواقع مش اعمل شات واكلم بنات ، وفعلا دلوقتي عندي شركة وشغال تحت ايدي ناس ، ولما فكرت في التنويم الايحائي خدت دورة والفت كتاب وانا عندي 19 سنة ودلوقتي سجلت مجموعة صوتية للتنويم الايحائي ، انت كمان لازم تتميز .. ولازم تدور على خلاصك ، بس خليك مصر وهتخرج من اي اطار انت عايش فيه
وافتكر دايما " وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِبُ "
نهاد رجب
مدرب تنمية بشرية
مؤسس الشبكة العربية للتنمية البشرية
http://www.nihadragab.com
ليست هناك تعليقات:
إرسال تعليق