انا عايزة اتجوز
فقرة من الفصل الثاني لكتاب "انا قصة"
في حوار بيني وبين احد المهتمات بالتنمية البشرية كانت فوق التلاتين بس لسة متجوزتش ، صرحتلي انها تعبانة نفسيا من فكرة العنوسة ، خايفة جدا تبقى عانس وتكبر وتبقى زي جارتها العانس ، خايفة متتجوزش وتعيش حياتها لوحدها ، خايفة متبقاش ام لان نفسها تبقى ام ، وتجيب ولاد وسبلينجز
وكان لازم طبعا التنمية البشرية تثبت وجودها ، وانا كبطل في القوات المسلحة قولت اكمل معاها للاخر ، سالتها ، "ايه الفرق بين العنوسة والعنوزة؟" قالتلي السين ، قولتلها " لا ... الحااااا " ، "ازاي يعني" ، قولتلها العنوسة انك تكملي حياتك وتختارتي لنفسك تاريخ وقصة ، انك تبقى من غير راجل بس معاكي الدنيا كلها ، انك متبقيش ام بس فيه ناس كتير متقدرش تستغنى عنك ، انك تحددي مصيرك انك تعيشي حياتك بالشكل الي انتي عايزاه ، " اما العنوزة " ـ فهي من الصفة عنزة ، او المعزة ، وهي انك تعيشي وسط قطيع من ناس شبهك ، كلهم بيجرهم خرفان ، بس مش هتاخدي لقب العنوسة ... وهيتقلك "حااااا" .. قالتلي "بس ضل راجل ولا ضل حيطة" قولتلها "شكرا ، يعني الراجل زيه زي الحيطة، ولو هو كده فعلا ، هيفرق معاكي في ايه" ، واستخدمت تشبيهات بالحيطة ، "لو افترضنا حيطة لبيت ، الراجل هو الحيطة فانتي هتكوني محتويات البيت ، الحيطة ممكن تحاوط ناس مشبوهة ، تحاوط كراكيب ، ومن غيرها (الحيطة) المحتويات ممكن تتخطف ، لان كل الناس هتشوفها لو المحتويات ديه كويسة كل الناس هتحتاجها وساعتها زي ماقولتلك "ناس كتير مش هتقدر تستغنى عنك " ومش هتبقي جوة مجال "حيطة" محدش عارف وراها ايه .. وكملت "هو العنوسة بتبدا من كام سنة؟" قالتلي "30 سنة" قولتلها "و 29 مش عانس ؟ 28 ؟ 25 ؟ لازم يعني 30 ؟ ، زمان كان البنت الي تكمل 15 سنة من غير ماتتجوز تبقى عانس ، الدنيا تقدمت وقالوا ايه التخلف ده ، البنت لو وصلت ل 20 سنة من غير ماتتجوز تبقى عانس ، اه ديه مقبولة لكن 15 ! ، تطورت اكتر وبقت 25 ودلوقتي 30 ، على اساس ايه ومين ؟ اسمه ايه الي اخترع واكتشف الرقم الجامد ده ! في امريكا تلاقي واحدة بتتجوز عندها 37 سنة وتبقى في عز شبابها ، مبيبقاش فيها اي مشكلة ، اكيد حلوة "امريكانية بقى" ، وحصل كده لانها اختارت كده ، حياتها عايزة تحافظ عليها ، وفيه غيرها متجوزش خالص واختارت انها تحتفظ بحياتها كلها لنفسها "
لو شايفه ان مجتش فرصة فمتقوليش نصيبي كده ، قولي انا اخترت كده واخترت للفرصة انها متجيش لاني من النهاردة ليا ومش هسمح لحد انه يتحكم في اي جزء من حياتي لمجرد اني في لحظة من اللحظات حسيت اني محتاجاه .. وافتكري دايما الست الي بتطلب الطلاق من جوزها ببساطة لانها عايزة تعيش الحياة الي هي عايزاها بعد ماجربت نمط تاني مقدرتش تتآلف معاه .
طبعا خدوا بالكم اني راجل برضه يعني وعايز اتجوز انا كمان ، ومع احترامي لكل الرجالة الي قروا الفقرة الي فاتت ، بس هي كانت محتاجة تتعالج والاستعارات الي استخدمتها كانت كافية انها تغير ادراكها ، وتفكر بشكل استقلالي شوية وتعرف انها لازم تاخد قرارات في حياتها لنفسها ولوحدها ومش هتحتاج حد علشان يساعدها.
نهاد رجب
www.nihadragab.com
في حوار بيني وبين احد المهتمات بالتنمية البشرية كانت فوق التلاتين بس لسة متجوزتش ، صرحتلي انها تعبانة نفسيا من فكرة العنوسة ، خايفة جدا تبقى عانس وتكبر وتبقى زي جارتها العانس ، خايفة متتجوزش وتعيش حياتها لوحدها ، خايفة متبقاش ام لان نفسها تبقى ام ، وتجيب ولاد وسبلينجز
وكان لازم طبعا التنمية البشرية تثبت وجودها ، وانا كبطل في القوات المسلحة قولت اكمل معاها للاخر ، سالتها ، "ايه الفرق بين العنوسة والعنوزة؟" قالتلي السين ، قولتلها " لا ... الحااااا " ، "ازاي يعني" ، قولتلها العنوسة انك تكملي حياتك وتختارتي لنفسك تاريخ وقصة ، انك تبقى من غير راجل بس معاكي الدنيا كلها ، انك متبقيش ام بس فيه ناس كتير متقدرش تستغنى عنك ، انك تحددي مصيرك انك تعيشي حياتك بالشكل الي انتي عايزاه ، " اما العنوزة " ـ فهي من الصفة عنزة ، او المعزة ، وهي انك تعيشي وسط قطيع من ناس شبهك ، كلهم بيجرهم خرفان ، بس مش هتاخدي لقب العنوسة ... وهيتقلك "حااااا" .. قالتلي "بس ضل راجل ولا ضل حيطة" قولتلها "شكرا ، يعني الراجل زيه زي الحيطة، ولو هو كده فعلا ، هيفرق معاكي في ايه" ، واستخدمت تشبيهات بالحيطة ، "لو افترضنا حيطة لبيت ، الراجل هو الحيطة فانتي هتكوني محتويات البيت ، الحيطة ممكن تحاوط ناس مشبوهة ، تحاوط كراكيب ، ومن غيرها (الحيطة) المحتويات ممكن تتخطف ، لان كل الناس هتشوفها لو المحتويات ديه كويسة كل الناس هتحتاجها وساعتها زي ماقولتلك "ناس كتير مش هتقدر تستغنى عنك " ومش هتبقي جوة مجال "حيطة" محدش عارف وراها ايه .. وكملت "هو العنوسة بتبدا من كام سنة؟" قالتلي "30 سنة" قولتلها "و 29 مش عانس ؟ 28 ؟ 25 ؟ لازم يعني 30 ؟ ، زمان كان البنت الي تكمل 15 سنة من غير ماتتجوز تبقى عانس ، الدنيا تقدمت وقالوا ايه التخلف ده ، البنت لو وصلت ل 20 سنة من غير ماتتجوز تبقى عانس ، اه ديه مقبولة لكن 15 ! ، تطورت اكتر وبقت 25 ودلوقتي 30 ، على اساس ايه ومين ؟ اسمه ايه الي اخترع واكتشف الرقم الجامد ده ! في امريكا تلاقي واحدة بتتجوز عندها 37 سنة وتبقى في عز شبابها ، مبيبقاش فيها اي مشكلة ، اكيد حلوة "امريكانية بقى" ، وحصل كده لانها اختارت كده ، حياتها عايزة تحافظ عليها ، وفيه غيرها متجوزش خالص واختارت انها تحتفظ بحياتها كلها لنفسها "
لو شايفه ان مجتش فرصة فمتقوليش نصيبي كده ، قولي انا اخترت كده واخترت للفرصة انها متجيش لاني من النهاردة ليا ومش هسمح لحد انه يتحكم في اي جزء من حياتي لمجرد اني في لحظة من اللحظات حسيت اني محتاجاه .. وافتكري دايما الست الي بتطلب الطلاق من جوزها ببساطة لانها عايزة تعيش الحياة الي هي عايزاها بعد ماجربت نمط تاني مقدرتش تتآلف معاه .
طبعا خدوا بالكم اني راجل برضه يعني وعايز اتجوز انا كمان ، ومع احترامي لكل الرجالة الي قروا الفقرة الي فاتت ، بس هي كانت محتاجة تتعالج والاستعارات الي استخدمتها كانت كافية انها تغير ادراكها ، وتفكر بشكل استقلالي شوية وتعرف انها لازم تاخد قرارات في حياتها لنفسها ولوحدها ومش هتحتاج حد علشان يساعدها.
نهاد رجب
www.nihadragab.com
ليست هناك تعليقات:
إرسال تعليق