ارخص حل لاغلى حياة
كيف الاحوال ؟ رجعتلكم تاني بموضوع جديد بعنوان الحياة هتحاسب وتدفع هيا ، ، من كام يوم كنت معدي من في شارع سينما ريفولي في وسط البلد ، لاقيت واحد باينه مضروب في وشه بطلقة ولا حاجة جايلي بيقولي بشكل درماتيكي استفزازي وغريب وقالبلي ملامح وشه كلها ، وقالي "كابتن كابتن .. " ، "نعم حضرتك؟" ، "معاك جنيه؟؟" ، ابتسمت وفي دماغي ان ديه طريقة LOW اوي علشان تطلب من حد حاجة ، بس قولت اديله الجنيه الي هو محتاجه ، حطيت ايديا في جيبي ولاحظت اد ايه عنيه كانت باصة على ايدي ورحلتها من جوا جيبي لبرة لحد مافتحت المحفظة وخرجت الجنيه وعنيه هتطلع على الجنيه ، بس مرضتش اديهوله الا لما اعمله حاجة جديدة (تنمية بشرية بقى)، مسكت الجنيه وقولتله "يا استاذ ... الحياة هتدفع كل الي انت هتطلبه منها " واديته الجنيه ، باصلي وبص للجنيه رفع حاجب ونزل حاجب وبصلي يمين ، بصلي شمال ، وبص للجنيه وبصلي تاني وقرب مني اوي وقالي "انت عبيط ياض؟؟" وسابني ومشي ..
بغض النظر عن تصرفه بس فكر معايا في الجملة تاني "الحياة هتدفع الي هتطلبه منها" كذا مرة يجيلي حد ويقولي انا عايز ابقى ناجح عايز اتغير عايز اعمل واسوي بس انا كسلان ومش متحمس وفاشل ومش عارف اذاكر ، كل الي انا بعملهوله اني بساله اساله تخرجه من الحالة وبخليه يبني لنفسه هدف يعيش علشانه ، لان مشكلته كلها بتنحصر في حاجتين ، لإيما معندوش هدف او عنده هدف هو مش فاهمه ومش محدد ابعاده بشكل كامل ، فالحل انه يبني لنفسه هدف يعيش علشانه وهيكتشف ان كل حاجة حواليه بتساعده انه يحقق الهدف ، حاجة عاملة زي شوبيك لوبيك انت بين ايديك تطلب ايه ؟ اطلب من نفسك ، من حياتك ، والي انت هتطلبه هتحصل عليه بإذن الله ..
الحياة عبارة عن سوبر ماركت كبير فيه كذا منتج ، فرضا انت اختارت انك تاخد كادبوري الشبكولاته علشان تاخدها من الماركت ، هتعدي على الكاشير ويقولك ديه بتلاته جنيه مثلا هتقوله ايه ؟ لا سوري انا مش هدفع تمنها الا لما ادوقها الاول واحس اني راضي عنها ؟ او لا سوري انا معييش فلوس او مبحبش ادفع فلوس؟ مسخرة ها ؟ لكن للاسف ديه الطريقة الي بيعيش بيها ناس كتير ، انهم مش بيدفعوا التمن ، والتمن بسيط جدا ، افكارك ، واسألتك ، كل الي انت محتاجه علشان تاخد الي انت عايزه انك تسال وتطلب وتفكر ، والحياة تستجيب وتعديك من الكاشير .
كنت بدي محاضرة في نادي امريكي في المعادي ، حضر ناس امريكان واجانب وكلهم بيتكلموا انجليزي ، انا في المحاضرة ديه قولتلهم اننا هنتكلم عن التنويم الايحائي وهنعمل حالة ونطبقها حد عنده مشكلة عايز يتخلص منها ، واحدة رفعت ايديها وقالتلي ايوة انا انا ، نعم ياجيرل ؟ قالتلي انا عندي migrain قولتلها اوكي ، هنشتغل على الحالة ديه دلوقتي وهتشوفوا اد ايه التنويم الايحائي قوي وهنلغي منها الصداع ده بس التحدي هنا اني هنيمها وهتخلص من الالم الي بيلازمها ده من غير ماقول كلمة انجليزي كله بالعربي ومحدش فيهم كان فاهم كلمة وبدات فعلا اشتغل عليها ، وفي نص الجلسة راحت فتحت عنيها فجأة وقالت بصوت عالي "Oh my God , i can't feel my head , the migrain is gone , i can't feel it where is " ... حاولت اقولها لاااااااااااااا متكمليش بس كملت وقالت "where it is for god sake" مفيش ثانية وكملت "AHHHHHH here it is" ، فهمتها وقولتلها انك سألتي وعقلك جاوب ، فين الصداع ؟ قالك اهو خديه ، وقولتلهم طبعا ان فكرة اني اتكلم عربي لانهم سالوا ازاي العقل فهم عربي قولتلهم مفهمش عربي ولا حاجة ، دانا اديتها ايحاء انها هتتعالج من الصداع النصفي قبل مانبدا فدخلت وهي عندها توقع اننها تتعالج ..
بقالي فترة من ساعة مخلصت الجيش داخل في دماغي فكرة الموتوسكيل ، نفسي اجيبه ، حطيته في دماغي بشكل جاد ، وسالت عنه ، وخليني اقولكم اني دلوقتي بعد ماجالي شغل وبعد شهر من انتهائي من الجيش بقى عندي استعداد اني اشتريه او حتى اقسطه ، الموضوع بسيط ، فكر واسال والحياة هتديك ، لانك ابنها الصغير مهما كبرت كل الي هتقول عليه هيحصل.
فكرة الاسئلة مهمة جدا ، واي سؤال هتساله هتجيلك اجابته لحد عندك ، قدامك ، لان ده التمن الي انت هتدفعه والحياة هتديك ، سواء كان حلو او وحش برضه الحياة هتديك ، لو قولت انا هفضل غبي كده لحد امتى ؟ هتجاوبك وتقولك لحد ماتموت يحمادة، لكن لو غيرت طريقة تفكيرك واسألتك وقولت "انا ازاي ممكن اتحسن؟" هتقولك "عن طريق كذا وكذا " وساعتها مش هتحتاج مدرب تنمية بشرية يفهمك ويساعدك ، لان عقلك انسب واحد عارف ايه الي ممكن يفيدك ويقربك من هدفك .. كل الي انت محتاجه انك تساله وتفكر (تدفع) والحياة هتديك .. فيه ارخص من كده لحياة غالية اوي بالشكل ده ؟
نهاد رجب
بغض النظر عن تصرفه بس فكر معايا في الجملة تاني "الحياة هتدفع الي هتطلبه منها" كذا مرة يجيلي حد ويقولي انا عايز ابقى ناجح عايز اتغير عايز اعمل واسوي بس انا كسلان ومش متحمس وفاشل ومش عارف اذاكر ، كل الي انا بعملهوله اني بساله اساله تخرجه من الحالة وبخليه يبني لنفسه هدف يعيش علشانه ، لان مشكلته كلها بتنحصر في حاجتين ، لإيما معندوش هدف او عنده هدف هو مش فاهمه ومش محدد ابعاده بشكل كامل ، فالحل انه يبني لنفسه هدف يعيش علشانه وهيكتشف ان كل حاجة حواليه بتساعده انه يحقق الهدف ، حاجة عاملة زي شوبيك لوبيك انت بين ايديك تطلب ايه ؟ اطلب من نفسك ، من حياتك ، والي انت هتطلبه هتحصل عليه بإذن الله ..
الحياة عبارة عن سوبر ماركت كبير فيه كذا منتج ، فرضا انت اختارت انك تاخد كادبوري الشبكولاته علشان تاخدها من الماركت ، هتعدي على الكاشير ويقولك ديه بتلاته جنيه مثلا هتقوله ايه ؟ لا سوري انا مش هدفع تمنها الا لما ادوقها الاول واحس اني راضي عنها ؟ او لا سوري انا معييش فلوس او مبحبش ادفع فلوس؟ مسخرة ها ؟ لكن للاسف ديه الطريقة الي بيعيش بيها ناس كتير ، انهم مش بيدفعوا التمن ، والتمن بسيط جدا ، افكارك ، واسألتك ، كل الي انت محتاجه علشان تاخد الي انت عايزه انك تسال وتطلب وتفكر ، والحياة تستجيب وتعديك من الكاشير .
كنت بدي محاضرة في نادي امريكي في المعادي ، حضر ناس امريكان واجانب وكلهم بيتكلموا انجليزي ، انا في المحاضرة ديه قولتلهم اننا هنتكلم عن التنويم الايحائي وهنعمل حالة ونطبقها حد عنده مشكلة عايز يتخلص منها ، واحدة رفعت ايديها وقالتلي ايوة انا انا ، نعم ياجيرل ؟ قالتلي انا عندي migrain قولتلها اوكي ، هنشتغل على الحالة ديه دلوقتي وهتشوفوا اد ايه التنويم الايحائي قوي وهنلغي منها الصداع ده بس التحدي هنا اني هنيمها وهتخلص من الالم الي بيلازمها ده من غير ماقول كلمة انجليزي كله بالعربي ومحدش فيهم كان فاهم كلمة وبدات فعلا اشتغل عليها ، وفي نص الجلسة راحت فتحت عنيها فجأة وقالت بصوت عالي "Oh my God , i can't feel my head , the migrain is gone , i can't feel it where is " ... حاولت اقولها لاااااااااااااا متكمليش بس كملت وقالت "where it is for god sake" مفيش ثانية وكملت "AHHHHHH here it is" ، فهمتها وقولتلها انك سألتي وعقلك جاوب ، فين الصداع ؟ قالك اهو خديه ، وقولتلهم طبعا ان فكرة اني اتكلم عربي لانهم سالوا ازاي العقل فهم عربي قولتلهم مفهمش عربي ولا حاجة ، دانا اديتها ايحاء انها هتتعالج من الصداع النصفي قبل مانبدا فدخلت وهي عندها توقع اننها تتعالج ..
بقالي فترة من ساعة مخلصت الجيش داخل في دماغي فكرة الموتوسكيل ، نفسي اجيبه ، حطيته في دماغي بشكل جاد ، وسالت عنه ، وخليني اقولكم اني دلوقتي بعد ماجالي شغل وبعد شهر من انتهائي من الجيش بقى عندي استعداد اني اشتريه او حتى اقسطه ، الموضوع بسيط ، فكر واسال والحياة هتديك ، لانك ابنها الصغير مهما كبرت كل الي هتقول عليه هيحصل.
فكرة الاسئلة مهمة جدا ، واي سؤال هتساله هتجيلك اجابته لحد عندك ، قدامك ، لان ده التمن الي انت هتدفعه والحياة هتديك ، سواء كان حلو او وحش برضه الحياة هتديك ، لو قولت انا هفضل غبي كده لحد امتى ؟ هتجاوبك وتقولك لحد ماتموت يحمادة، لكن لو غيرت طريقة تفكيرك واسألتك وقولت "انا ازاي ممكن اتحسن؟" هتقولك "عن طريق كذا وكذا " وساعتها مش هتحتاج مدرب تنمية بشرية يفهمك ويساعدك ، لان عقلك انسب واحد عارف ايه الي ممكن يفيدك ويقربك من هدفك .. كل الي انت محتاجه انك تساله وتفكر (تدفع) والحياة هتديك .. فيه ارخص من كده لحياة غالية اوي بالشكل ده ؟
نهاد رجب
ليست هناك تعليقات:
إرسال تعليق